افغانستان بوییچه معلومات گه قول تاپیش‌نی نظارت قیلووچی کمیسیون مسؤوللری‌نینگ ایتیشیچه، مذکور کمیسیون ایجاد ایتیلگنیدن بویان مدنیت و معلومات وزیرلیگی اولرگه اونچه‌لیک یاردم بیرمه‌گن و هردایم قیین‌چیلیک یره‌تگن.
خلق ارا معلومات گه قول تاپیش احتفالیده نطق سوزله‌گن معلومات گه قول تاپیش‌نی نظارت قیلووچی کمیسیون مسؤولی سیداکرام افضلی، مدنیت و معلومات وزیرلیگی نی توجه‌سیزلیک و قابلیت‌سیزلیککه عیبله‌گن.
افضلی جنابلری گه کوره، مدنیت و معلومات وزیرلیگی اوتگن 3 ییل‌ده معلومات گه قول تاپیش نی نظارت قیلووچی کمیسیون گه همکارلیک قیلمه‌گن و شونینگدیک هردایم مذکور کمیسیون برابریده توسیقلیک یره‌تگن.
بیراق، مذکور احتفالده حضور تاپگن مملکت جمهوررئیسی نینگ ایکینچی اورین باسری سرور دانش‌نینگ ایتیشیچه، حکومت نینگ سوز ایرکینلیگی توغریسیده قیلگن ایش‌لری تقدیر گه سزاوار دیر.
معلومات گه قول تاپیش نی نظارت قیلووچی کمیسیون 3 ییل دن بویان فعال دیر؛ بیراق بو کمسیون مسؤولری حکومت نی نیچه مرته همکارلیک قیلمه‌سلیک و ناقانونی ایش گه عیبله‌گن.
