قندهار ولایتی نینگ شورابک تومنیده سونگی حربی عملیات اوتکزیلیشی بیلن امنیتی رسمیلر، ایریم حجت‌لرنی قولگه کیریتگنی اساسیده افغانستان ناتینچ‌لیکلریگه ایریم اولکه‌لر قولی بارلیگینی کورسته‌دی. رسمیلر قیسی بیر اولکه‌دن آت توتمه‌سی قولده کیلگن حجت‌لرگه کوره، اولکه‌ده بین المللی ترورچی‌لر حضوری بارلیگینی کورسته‌دی.
دوشنبه کونی اولکه مدافعه وزیرلیک سرپرستی معصوم ستانکزی خبری انجمن‌ده چیقیش قیلیب، اویوشتیریلگن عملیات اوتمیش 13 ییل‌ده ویژه ایکن‌لیگی‌نی بیلدیرگن و امنیتی کوچلرنینگ بو عملیاتی، بین المللی کوچلر یاردمی بیلن طالب‌لر مرکزیده اوتکزیلگن دیدی.
جناب ستانکزیگه کوره، بوطالب‌لر مرکزی پاکستان بیلن چیگره‌داش بولیب، اوروش شیوه‌لرینی اورگه‌تیش، تبلیغات و مذکور گروه اداره‌سی سیغدیریلگن ایکن. ستانکزی طالب‌لر مرکزیده اوتکزیلگن عملیات تلفاتی 233 کیشی دیب بیله‌دی، اما امنیتی کوچلر تلفاتی باره‌سیده بیرنرسه دیمه‌دی.
مدافعه وزیرلیک سرپرستی نینگ کوپه‌یتریشیچه، نیچه پیت آلدین وزیرستانده‌گی ترورچی‌لرگه قرشی اوتکزیلگن عملیاتلردن کیین، بو ترورچی گروه‌لر افغانستانده کیلگن و اولکه ایریم منطقه سیده هجوم اوتکزگنلر. جناب ستانکزیگه کوره، افغانستانده ترورچی گروه‌لر کوپلب ییرله‌شیش اوچون کوره‌شگنلر، اما برنامه‌لری پیاده بولیشگه موفق بولمه‌گنلر.
ستانکزی، اولکه بویلب ناتینچ‌لیکلر کوپه‌یشینی تشقی اولکه‌لر جمله‌دن تاجکستان، اوزبیکستان و چیچین تروچیلری کیلیب ایریم منطقه‌لرده فعالیت قیلگن‌لیگی دیب بیله‌دی. او، تشقی ترورچیلرنینگ افغان امنیتی کوچلرگه باسیم کیلتیرگن دیدی، اما امنیتی کوچلر اهالی یاردمی بیلن دشمننی نابود قیلیشگه موفق بولگن.
جناب ستانکزیگه کوره، اوتگن ییلرده، بین المللی کوچلر برچه ینگی قورال اسلحه‌لری بیلن طالب‌لرگه قرشی اوروشدی، اما امنیتی کوچلر قورال اسلحه جهازلری بولمه‌گن حالده، یلغوزلیک‌ده مذکور گروه هجوم‌لریگه قرشی عمل قیلدیلر.
شوییل باشله‌نیشی بیلن طالب‌لر تهاجمی اوروشلرینی باشله‌دی و 14 ییلدن کیین بیرینچی بار 15 کون آلدین قندوز شهرینی اوز تصرف‌لریگه آلدیلر. هرحالده امنیتی کوچلر قیته‌دن قندوزنی اوز کنتروللریگه آلدیلر، اما امنیتی مسؤوللرگه کوره، ولایت سقوط قیلیشی جنگری گروه‌لرنینگ روحیه آلیشی‌گه سبب بولگن و اولرنینگ بغلان، بدخشان، فاریاب و غزنی ولایتلریده هم هجوم‌لری تیزلشتیریلدی.
