افغانستان ملی مدافعه وزیرلیگی‌نینگ 8 رسمی‌سی اداری فسادگه قرشی کوره‌ش عدلی و قضایی مرکز تامانیدن قولگه آلینگن.
باش قاره‌لاوچیلیک سوزلاوچیسی جمشید رسولی‌نینگ سلام‌وطندارگه ایتیشیچه، بو کیشی‌لر صلاحیت‌لریدن سوء استعمال قیلیش، حجت‌نی ساخته‌لشتیریش، تالان قیلیش و قانون‌نی نقض ایتیش‌گه عیب‌لنیب اداری فسادگه قرشی کوره‌ش عدلی و قضایی مرکز خاص قاره‌لاوچیلیگی تامانیدن قولگه آلینگن‌لر.
باش قاره‌لاوچیلیک سوزلاوچیسی‌گه کوره، بو جمله‌دن 3 ته‌سی جنرال ایکن و دوسیه‌لری خاص قاره‌لاوچیلیک تامانیدن یکونلنیب اداری فساد آغیر جرم‌لر خاص محکمه‌سیگه یوباریلگن.
جناب رسولی‌نینگ کوپه‌یتیریشیچه، مذکور کیشی‌لر 2.5 میلیون افغانی و 1300 مینگ دالر نفت پولی‌نی تالان قیلیش‌گه عیب‌لنیب قولگه آلینگن‌لر.
بیراق، سلام‌وطندار بیلن صحبت اوتکزگن ملی مدافعه وزیرلیگی سوزلاوچیسی دولت وزیری، بو قضیه‌دن خبرسیزلیک بیلدیرگن.
