امان قیناته‌سیگه قونغیراق قیله‌دی، قیناته‌سی قونغیراقنی کیسیب هولیقیب قیزی نینگ اویگه کیله‌دی، اویگه کیرگن زمان نیبره‌سی نینگ جان سیز تنیگه کوزی توشه‌دی.
بوبه‌سی ایتیشیب کیلمسدن آلدین امان، 7 آیلیک اوغلی رحماننی باشینی کیسیب کوچه گه تشله‌گن ایدی.
امان نینگ قوشنیلری سلام‌وطندارنینگ محلی خبرچیسی بیلن قیلگن صحبتده ایتیشلریچه، هرکونگی دیک بوگون هم اماننی اویدن شاوقیملب سیسی کیلردی؛ لیکن قوشنیلری اوشبو تکرار بولگن شاوقیملریگه عادت دیکی دیک قولاق سالمه‌گنلر؛ شاهدلرنینگ بیاناتیگه کوره، «مخدرماده گه بیریلگن شخص بومرته غضبله نیب باله‌سینی اولدیریشگه» بیل باغله‌گنیدن خبرسیز قالگنلر.
امان، خاتینی و ایکی قیز و اولگن باله‌سی بیلن ننگرهار ولایتی نینگ بهسود تومنیده حیات کیچیره‌دیلر.
ماده‌گه چلینگنی و روحی کسللیگی‌دن ایری، امان مالی قیینچی‌لیکلرنی هم اوتکزیب کیلماقده ایدی و شو اوچون اونلرچه مرته خانه‌دانینی بیزاته قیلردی و سونگی مرته خاتینینی هم اویدن چیقارگن ایدی.
بیراق امان اوز بیاناتیده باله‌سینی سوییش باره‌سیده باشقچه روایتی بار و او قیناته‌سینی عیبدار بیله‌دی و ایتیشیچه، قیناته‌سی خاتینی و باله‌لرینی زوردن آلیب کیتماقچی بولگن. امان هم اوز غضبینی باله‌سی باشینی آلیش بیلن قالدیره‌دی.
ننگرهار پولیس قومندانلیگی سوزلاوچیسی حضرت‌حسین مشرقی‌وال نینگ ایتیشیچه، اوشنده‌یکه امان اوز جرمینی قبول قیلگن، اما امنیتی کوچلر اوشبو قضیه برچه بعدلرینی تیکشیره‌دیلر.
