مدنی جامعه فعاللری، پارلمان اعضالری و بیلیم استادلریدن ایریمی جمهور رییس حقوقی مصلحتچیسی عبدالعلی محمدینینگ ایشینی تعلیق قیلگنلیگیگه اوزخودمچهلیک قیلگن دیدیلر. بولر «هوشمند شهرچهسی قضیه سینی تیکشیریش و نقدی کنفرانسی» ده ییغیلگن ایدیلر، بو موضوعنی اساسی قانون ۲۲- ماده سیگه قرشی دیب بیلهدیلر.
اولکه اساسی قانونی ۲۲- ماده سیگه کیلیشیچه، افغانستان یشاوچیلری ارا تبعیض ممنوع دیر و قانونگه قرهگنده، برچه اهالی حقوقی بیر تینگ دییلگن.
بوکنفرانسده کینگش اعضالریدن بیری عبدالقیوم سجادی، خلیلالله فروزینینگ هوشمند شهرچهسی بارسیده زنداندن چیقارگن کیشیلر آسایشتهلیک بیلن حیات کیچیرهدی و بولر آرهسیده محمدی جمهور رییس نینگ اوزخودمچه سیاستی قربانی بولگن دیدی.
کینگش باشقه بیر اعضاسی غلام فاروق نظری هم فروزی جنابلری قتنه شیشی بیلن هوشمند شهرچهسی لایحهسی یخشی بیر حرکت ایدی دیب بیلهدی و کابلبانکدن کیتگن پوللرنی قیته کیلتیریش محکمه حکمیدن کوره مهم دیدی.
بوکنفرانسده، مدنی فعاللردن زهرا سپهر هوشمند شهرچهسی قضیه سیده کوپچیلیکلرنی قولی بار و باید رسانهلر و دولت اولرنی ایزلشدن چیکینمه سلر دییدی. خانم سپهرگه کوره، خلیلالله فروزی نینگ قویب یوباریش اوچون برابرلیک نظرده توتیلمهگن.
اما جمهور رییس سوزلاوچیسی اورین باسری سیدظفر هاشمی نینگ ایتیشیچه، عبدالعلی محمدی نینگ ایشی هوشمند شهرچهسی قضیه سیگه ارهلشمسلیکلر آلدی آلینیشی اوچون آلینگن تا قیدیروو اوچون تعین ایتیلگن هیات یخشی آلغه باریش نیتیده بولگن.
هوشمند شهرچهسی قضیهسی کابلبانک بحرانییگه قولی بولگن بو بانک مدیره هیات باشلیغی خلیلالله فروزینی تورمهدن قویباریب، مذکور شهرچه شریکلریدن بیری عنوانیده رسانهلر آرقهلی شهر قوریش وزیرلگی و نبیزاده وردک شرکتی بیلن اوشبو شهرچه ایشی باشلهنیشیگه عبدالعلی محمدی بیلن امضا قیلگن زمان جنجال تاپیلیب قالدی.
جناب فروزینی رسانهلرگه کورینیشی بیلن قرمه قرشیلیکلر اوج آلدی و جمهور رییس غنی حقوقی مصلحتچیسی عبدالعلی محمدی ایشینی تعلیقگه تشلهدی و قضیهسینی تیکشیریش اوچون بیر هیات توظیف بولگن.
