یقین‌ده ایشی توخته‌تیلگن جمهور رییس‌نینگ حقوق بوییچه مصلحتچی‌سی عبدالعلی محمدی ایکّی گروه اوزیگه قرشی توطیه باشله‌گن‌لرنی تیزلیک‌ده نامی فاش قیلیشگنی ایتگن.
کابل بانک سابق مدیره هیاتی همده اوشبو بانک‌نینگ اصلی قرضدارلریدن خلیل‌الله فروزی بیلن سمارت‌سمی شهرچه قوریش اوچون شرطنامه امضالشگه عیب‌لنگن جناب محمدی‌نینگ وظیفه‌سی اوتگن (سه‌شنبه) جمهور رییس تامانیدن توخته‌تیلدی.
اون ییل آزادلیک‌دن محروم ایتیلگن همده خلیل‌الله فروزی بوندن ایکی هفته آلدین هوشمند شهرچه قوریش مناسبتی بیلن اوتکزیلگن ییغین‌ده اشتراک قیلگن ایدی. جناب فروزی‌نینگ مذکور ییغین‌ده قتنه‌شیشی مملکت بویلب عکس‌العمللرگه روپه ره بولدی.
شونینگ‌دیک مذکور ییغین افغانستان جمهور رییسی‌نینگ یخشی حکومتچی‌لیک اوچون مخصوص نماینده‌سی و حقوق بوییچه مصلحتچی‌سی اشتراک قیلگن ایدی.
جمهور رییس‌غنی فرمانی اساسیده جناب محمدی‌نینگ وظیفه‌سی توخته‌تیلگن بیر پیت‌ده سنا مجلسی‌نینگ شکایت‌لر کمیسیونی اونی مجلس‌گه چقیرگن ایدی.
خلیل‌الله فروزی بیلن شرطنامه امضالنگن لیککه عیب‌لنگن جناب محمدی‌نینگ سوزلریگه کوره، مذکور شهرچه قوریش اوچون اونینگ هیچ قنده‌ی رولی بولمه‌گن.
جناب محمدی، تورمه مسوولی همده شهر قوریش وزیری ایمس لیگینی تیل‌گه آلیب خیلیل الله فروزی بیلن شهر قوریش وزیرلیگی اورته‌سیده امضالنگن کیلیشوونی اصلا کورمه‌گن لیگی باره‌سیده تاکیدله‌گن.
جمهور رییس غنی تامانیدن صادر ایتیلگن فرمانده، محمدی ایشی‌نینگ توخته‌تیلیشی‌نینگ اساسی سببی کابل‌ده هوشمند شهرچه قوریش اوچون خلیل الله فروزی‌نینگ شرکتی قانون لیگینی ایتگن لیگی باعث بولگنی قید ایتیلگن.
جمهور رییس‌غنی سوزلاووچی سیدظفر هاشمی، خلیل‌الله بیلن امضالنگن شرطنامه تیکشیریلیشی اوچون هیات تعین ایتیلگن دیگن. ایریم‌لرگه کوره، افغانستان جمهور رییسی تیوه‌رگینی قطار شخص‌لر قمره‌ب آلگن‌لر.
