جوزجان ولایتی نینگ محلی مسووللری، داعش گروهی‌گه تیگیشلی جنگریلر ولایت نینگ درزاب تومنیده بیش یوز جلد قرآن شریف بولگن بیر مسجدنی یاندیریب یوبارگن دیدیلر.
بو قبیل سوزلرنی سلام‌وطندارگه ایتگن درزاب تومنی نینگ حاکمی رحمت الله حشر، مذکور مسجدده منطقه نینگ بلاغت‌گه ییتمه‌گن گودکلری دینی مساله‌لرنی اورگه‌نیش بیلن شغللنگنلر دیگن.
جناب حشر: «داعش جنگریلری هیچ بیر اصل و قاعده گه قره‌م ایمس، خلق ایچیده قورقینچ تشلش اوچون هیچ قنده‌ی سعی وحرکت‌نی ایه‌میدی دیگن» داعش توده‌سیگه وفادار قوراللی لر قرآن شریف همده مسجدنی اوتگه یاندیریش بیلن بو گروه هیچ بیر قدریت‌گه بها بیرمس‌لیگینی معلوم قیلدی دیگن جناب حشر.
خبرنی تصدیق ایتگن جوزجان ولایت ولایسی نینگ سوزلاووچیسی محمدرضا غفوری: «داعش جنگریلری درزاب تومنی نینگ مسجدلریدن بیریده بیش یوز جلد الله تعالی کلامی‌نی اوتگه یاندیر» دیدی.
ولایت والیسی نینگ سوزلاووچیسی، داعش جنگریلری بوندن نیچه کون آلدین هم اوشبو تومنده‌گی تاریخی آبده‌لرنی نابود قیلیش‌گه اولگورگن ایدی دییه معلوم قیلگن.
بوندن چمه‌سی بیر هفته آلدین داعش توده‌سی جوزجان ولایتی نینگ سردره منطقه‌سیده جایلشگن بی‌بی مریم همده صوفی دوست محمد قیشلاغیده‌گی قبرستان ینه زیارتگاه‌نی اوتگه یاندیریب یوبارگن ایدی. درزاب یشاووچیلری داعش جنگریلری تومندن نابود ایتیلیشی اوچون حکومت جدی آدیم کوتارمه‌گن حالده، اسلامی دولت توده‌سی بولمیش داعش جنگریلری بولایت‌ده فعالیتلرینی آشیره‌دی دیگن ایدیلر.
