بوگون چهارشنبه نماینده‌لر مجلسی نینگ عمومی ییغینی‌ده، پارلمان نینگ بوتون مادی و معنوی امتیازیدن فایده‌له‌نیب لیکن مجلس نینگ ییغینیلریگه کیلمه‌یدیگن وکیللرگه نسبتن جدی عکس العمل بیلدیریلدی. نماینده‌لر، مجلس نینگ رهبرلیک هیاتینی مساله توغریسیده عیبله‌گنلر. مجلس‌گه کیلمه‌یدگن وکیللر برابریده هنوزگچه ملی مجلس نینگ اداری هیاتی هیچ قنده‌ی تدبیر آلمه‌گن.
نماینده‌لر مجلسی نینگ باشلیغی عبدالرووف ابراهیمی، مجلس نینگ ایچکی اصول و قاعده‌سی هنوزگچه هیچ بیر غیر حاضر نماینده‌نینگ اوستیده تطبق بولمه‌گن دیگن. لیکن، بوندن کیین مجلس گه کیلمه‌یدیگن نماینده‌لر بیلن جدی یانده‌شیله‌دی دیگن جناب ابراهیمی.
مجلس نینگ اعضاسی غلام حسین ناصری، بعضی وکیللر دایمی شکلده مجلس‌ده حاضر ایمسلر دیگن. بو وکیللر قانوننی ایاغ آستی قیلیب خلق نینگ اراده‌سیگه حرمت سیزلیک قیله‌دی دیگن او.
نماینده‌لر مجلسی نینگ ایچکی اصول و قاعده‌سیگه کوره، هر بیر وکیل عذرسیز 20 کون مجلس‌ده حاضر بولمه‌گن حالده، اونینگ بوتون امتیازی بیریلمس لیگی قید بولگن.
اما، هنوزگچه هم ملی مجلس نینگ ایچکی اصول و قاعده اداری هیات آرقه‌لی جدی روشده عملده تطبیق بولمه‌گن.
