نماینده‌لر مجلسی بوگون پارلما‌‌ن‌ده مملکت بویلب خوف‌سیزلیک میزانی آشگن‌لیگی‌دن خواطر بیلدیرگن‌لر. نماینده‌لر خوف‌سیزلیک‌لر برچه ولایتلرگه ایلدیز آتگن‌لیگینی ایتگن‌لر.
ارزگان ولایتی‌ده ملی کوچلرنینگ 400 عسکر طالب‌لر قورشاوگه قالماقده.
ارزگان ولایتی‌نینگ مجلس‌ده‌گی نماینده‌سی عبیدالله زبیرنینگ ایتیشیچه، 22 کوندن بیر ملی پولیس و ملی اردو نینگ 400 عسکری مذکور ولایت‌نینگ چارچینو ولسوال‌لیگی‌ده قوراللی طالب‌لرنینگ قورشاوویده قالماقده.
زبیر، مذکور عسکرلرنینگ قورال اوقی همده ییگولیک آذیق آوقتی تمام بولگن دیگن.
ارزگان و لایتی‌نینگ نماینده‌لر‌مجلسی‌ده‌گی اعضاسی ملی کوچلرنینگ بیر قسمی ولایت‌نینگ گیزاب ولسوال‌لیگی‌ده جنگری‌لرنینگ قورشاوویگه قالگن دیگن.
اونگه کوره، حکومت بو توغریده جدی اعتبار قرتمه‌گن حالده، اوشبو ولسوال‌لیک‌لر قوله‌شی امکاندن اوزاق ایمس.
اما، ارزگان و لایت والی‌سی‌نینگ سوزلاووچی‌سی دوست‌محمد نایاب، عبیدالله زبیرنینگ اظهارات‌لرینی رد قیلیب سلام وطندارگه ایتیشیچه، چهار چینو یا شهیدحساس ولسوال‌لیک‌لریده 650 حربی عسکر ییرلشگن‌لر. او، مذکور سانده‌گی حربی عسکرلر جنگری‌لر تامانیدن قورشاووگه آلینگن‌لیک‌لرینی امکاندن اوزاق دیگن.
جناب نایاب، افغان ملی کوچلری‌نی قورال اسلحه همده آذیق آوقت بیلن تامین‌لش‌ده قیین‌چلیک بارلیگی‌نی تصدیق‌له‌گن.
اونگه کوره، عمومی یول‌لرده دولت قوراللی مخالف‌لری تامانیدن ماین اورنه تیلگن‌لیگی ملی کوچلرگه امکانیت ییتکزیش اوچون ییریک تهدید دیر.
سونگی وقت‌لرده هرات ولایتی‌ده هم نابر قرارلیک‌لر میزانی آشگن‌لیگی مکتب اوقووچی‌لریدن قربان‌لیک آلگنی ایتیله‌دی.
نماینده‌لر مجلسی نینگ باشقه بیر اعضاسی سیمین بارکزی‌نینگ ایتیشیچه، خوف‌سیزلیک‌لر باعث افغانستان معارف وزیرلیگی شیندند ولسوال‌لیگی‌ده ایریم مکتب‌لرنینگ ایشیگی‌نی یاپگن.
خانم بارکزی، مکتب‌لر ایشیگی‌نی اوقووچی‌لر یوزیگه یاپیلیشی مساله‌نی حل یولی ایمس‌لیگی باره‌سیده تاکیدله‌گن.
بوگون نماینده‌لر عمومی مجلسینی باشقرگن حاجی ظاهر قدیر، نابر قرارلیک‌لراوچون بوندن آرتیق اهالی‌گه جواب بیره آلمس‌لیک‌لرینی ایتگن. شونینگ‌دیک جناب قدیر خلق نینگ نماینده‌لریدن امنیتی مسوول‌لرنی پارلمان‌گه چقیریش‌لرینی سوره‌گن.
شونینگ‌دیک ظاهر قدیر، نماینده‌لر مجلسی وزیرلرگه ایشانچ رای بیریب وزیر صفتی‌ده تعین قیلیش صلاحیتی‌گه ایگه بولیش‌لری بیلن بیرگه اولرنی ایش‌دن آلیش صلاحیتی‌گه هم ایگه ایکن‌لیک‌لری باره‌سیده تاکیدله‌گن.
نماینده‌لر مجلسی نینگ اعضالری، اوتگن کون افغانستان ایچکی ایش‌لر وزیرلیگی مملکت بویلب جنگری‌لرنی نابود قیلیش قابلیتی‌گه ایگه ایکن‌لیک‌لرینی تیل‌گه آلگن بیر چاغده، افغانستان‌نینگ کوپچی‌لیک ولایت‌لریده نابر قرارلیک ایلدیز آتگن لیگی‌دن شکایت ایتماقده‌لر.
