نماینده‌لر مجلسی‌نینگ بیر قنچه اعضالری قندوز حادثه‌سی‌گه اشاره قیلب آگاه‌لنتیریش‌لریچه، ایکّی کونگه قدر اوغیرلنگن یولاوچی‌لر آزاد ایتیلمه‌گن حالده، جمهور رییس‌لیک سرایی برابریده تحصن اعلان قیلیب، کیریب چیقیش اوچون هیچ کمی‌گه رخصت بیرمی دیلر.
طالب‌لر اوتگن کون تخار – کابل عمومی یولی‌ده 175 یولاوچی‌نی اوغیرله‌گن ایدی. ملی کوچلر بیلن جنگری طالب‌لر اورته‌سیده یوز بیرگن اوروش‌ده اوغیرلنگنلرنینگ بیر قنچه‌سی آزاد ایتیلیب؛ اما، هنوز هم 10 کیشی مخالف‌لر قولی‌ده قالماقده. شوکبی یولاوچی‌لرنینگ اون ته‌سی جنایتچی طالب‌لر طرفی‌دن شفقت‌سیز آتیب اولدیریله‌دی.
مملکت ایچکی ایش‌لر وزیرلیگی‌نینگ سوزلاوچی‌سی صدیق صدیقی، بوگون (چهارشنبه) کابل‌ده اوتکزیلگن خبری انجمن‌ده، حادثه‌ده قولی بولگن طالب‌لرنینگ تورت نفری حبس‌گه آلینگن دیگن. او، اوغیرلنگنلرنینگ برچه‌سی تینچ اهالی ایکن لیگینی بیلدیرگن.
مجلس‌نینگ نماینده‌لریدن بیری فوزیه کوفی، حکومت‌نی قوراللی طالب‌لرگه قرشی کوره‌شیش‌ده ناکام ایکن لیگینی بیلدیرگن. اونینگ قندوز حادثه‌سی‌گه اشاره قیلیب گپیریشیچه، بو واقعه تخار، قندوز و بدخشان‌لیک یولاوچی‌لرگه چیکله‌نیب قالمی بلکه " اوروش‌نی اهالی‌نینگ اویی‌گه تارتیش" دیر.
مجلس‌نینگ باشقه بیر اعضاسی عبدالرووف انعامی، حکومت خلق امنیتی‌نی تامین قیلیش قابلیتی‌‌گه ایگه بولمه‌گن حالده، نیمه اوچون اهالی‌دن مالیه/ سالیق ییغیب آله‌دی. او، حکومت مساله اوچون جدی سعی وحرکت قیلیشی اوستی‌ده تاکید قیلگن.
پارلمان نینگ ینه بیر اعضاسی عبداودود پیمان، واقعه‌نی دردلی دیب ایتیشیچه، حادثه‌ده قول‌لری بارلیگی ممکن. او، حکومت تامانی‌دن مجرملر اوستی‌دن اعدام حکمی صادر ایتیلیشی‌نی سوره‌گن. عین حالده، او حکومت بیگانه‌لرنینگ اویینچاغی ایکن لیگینی تیل‌گه آلگن.
شونینگ‌دیک ملی مجلس اعضاسی نیلوفر ابراهیمی، یولاوچی‌لرنی عمومی یول‌لرده اوغیرلش بیرینچی بار ایمس، و سونگی مرته بولمس لیگی نی تیل‌گه آلگن. او، موضوع اوچون حکومت جدی اعتبار قره‌تمه‌گن حالده، میلیونی حرکت‌لرگه قول اوریش‌لری حقیده آگلاهلنتیرگن.
ییغین سونگی‌ده پارلمان‌نینگ باشلیغی عبدالرووف ابراهیمی، یولاوچی‌لر آزاد قیلینیشی اوچون حکومت‌نی جدی سعی وحرکت آلیب باریش‌گه چقیرگن.
.jpg)
شونینگ‌دیک بوگون کابل‌ده اونلب کیشی مدنی فعال‌لر، نمایش اوتکزیب، حکومت‌دن اوغیرلنگن تینچ اهالی تیزلیک‌ده قوییب یوباریلیشی‌نی طلب قیلگن‌لر. اولر، حکومت عمومی یول‌لر امنیتی‌نی تامین قیلیش‌گه دییرلی موفق ایمس لیگینی تیل‌گه آلگن‌لر.
عین حالده، اعتراض‌ده قتنشگن‌لر بیر اعلامیه نشر قیلیب، حادثه‌ده قولی بولیب حکومت‌د‌ه ایشلب یورگن کیشی‌لر زودلیک بیلن حبس‌گه آلینیشی توغریسیده تاکید ایتگن‌لر.
اعتراضچیلرنینگ اعلامیه‌سی‌ده حکومت‌نینگ طالب‌لرگه بولگن بغری کینگ‌لیک سیاستی اوزگرتیریلیشی توغریسیده تاکید قیلینگن.
نمایشچی‌لر، بو قبیل واقعه‌لرگه پایان بیریلمه‌گن حالده، ییریک نمایش‌لرنی یولگه قوییش‌لری حقیده تاکید قیلگن‌لر.
جمهور رییس‌لیک سرایی بیر خبرنامه ترقه‌تیب، قوراللی طالب‌لرنینگ بو قیلمیشی‌نی "قراقچیلیک" دییه معلوم قیلینگن. جمهور رییس‌لیک سرایی، واقعه عامل‌لری تیزلیک‌ده قول‌گه آلینیب جزالریگه تاپشیریله‌دی دیگن.
