اسپانیا‌نینگ بارسلونا فوتبال تیرمه جماعه‌سی نینگ 280 میلیون یورولیک حاضرگی اویین چیسی، آرژانتین‌لیک لیونل مسی، دنیا فوتبال تیرمه جماعه‌سی نینگ بیش اینگ یخشی لیگی ایچیده یخشی اویینچی صفتیده تانیلدی.
Football Observatory (CIES) سایتی نینگ گزارشی‌گه کوره، حاضرگی کونلرده، لیونل مسی دنیا بویلب فوتبال تیرمه جماعه‌سی نینگ بیرینچی اویینچیسی بولدی. اوندن کیین 135.4 میلیون یورولیک چلسی تیرمه جماعه‌سی نینگ اویینچیسی ادن آزارد ایکینچی اورینده و 113.3 میلیون یورولیک ریال مادرید تیرمه جماعه‌سی نینگ اویینچیسی کریستیانو رونالدو اوچین‌چی اورینده تورگن.
مذکور اداره، فوتبال اویین‌چی‌لری و باشگاه‌لر توغری‌سیده معلومات بیریب، سونگی ترقتکن لایحه‌سی‌گه دنیانینگ اینگ یخشی اویین‌چی‌لری 20 ته‌سی نینگ آتی‌نی ترقتگن.
شونینگ‌دیک اوشبو لایحه‌ده ریال مادرید تیرمه جماعه‌سیدن بیش اویینچی، بارسلونا تیرمه جماعه‌سیدن اوچ اویینچی، چلسی تیرمه جماعه‌سیدن بیش اویینچی و آرسنال، لیورپول، منچسترسیتی و تاتنهام فوتبال تیرمه جماعه‌لریدن 7 اویینچی اسمی یازیلگن.
دنیانینگ اینگ یخشی اویین‌چی‌لری‌نینگ درجه بندلیک جدولی‌ده، مخصوص مهارت‌لر جمله دن توانالیک، کیشی مهارت‌لر، شرط نامه زمانی، اویینچی نینگ یاشی، یوتوق‌لری و باشگاه لرنینگ امتیازلری کوزگه توتیله‌دی.
ترقتیلگن رویخط‌‌گه کوره، بارسا اویینچیسی لیونل مسی، بو ییل اویین‌لری جریانی‌ده، مذکور تیرمه جماعه بیلن اوچ قهرمانلیک جلمه‌دن اسپانیا لیگی، جام حذفی و اروپا قهرمان‌لری لیگی نی قول‌گه کیریتکن.
