د لویې څارنوالي ویاند جمشید رسولي نن په کابل کې یوې خبري غونډې ته وویل چې د ولسي جرګې له ټاکنو تر اوسه لویې څارنوالۍ ۱۹۱ ټاکنیزې قضیې څېړلې دي.
د ښاغلي رسولي په وینا، ۳۵ قضیې د کابل حوزې او ۱۵۶ قضیې له نورو ولایتونو ثبت شوېدي.
د لویې څارنوالۍ ویاند وايي، د دې قضیو په اړه ۴۹۵ تورن او مظنون کسان نیول شويدي.
د تېر لمریز کال د میزان د ۲۸مې او ۲۹مې نېټې د ولسي جرګې ټاکنې له ډېرو جنجالونو ډکې وې. د ولسي جرګې د وروستیو پایلو په اړه اعتراضونه تر اوسه پای ته نهدي رسېدلي.
