د افغانستان لویه څارنوالي وايي، چې دوی د خپلو شپو او ورځو د کارونو نتیجه تر لاسه کړې او تر اوسه يې له ۷۰۰ میلیونو افغانیو زیاتې او شاوخوا ۴۰۰ میلیونو ډالر د دولت خزانې ته لېږدولې دي.
د لويې څارنوالۍ ویاند جمشید رسولي د چهارشنبې په ورځ کابل کې د یوې خبري ناستې پر مهال د پورته مطلب په څرګندولو سره زیاته کړه، چې د شاوخوا یوه کال راهیسې د قضایي او عدلي مرکز څارنوالانو له دې سره ـ سره د نږدې ۲۰۰ میلویونه افغانیو او له ۳ میلیونه ډالرو د زیاتو پیسو د حیفو میل مخنیوی هم کړی.
د لویې څارنوالۍ ویاند همدا ډول زیاته کړه، چې د عدلي او قضایي مرکز اړوندې محکمې د شاوخوا ۳۵ جریبو ځمکو د غصب مخینوی او دولت ته يې بېرته مصادره کړې ده.
د یادې څارنوالۍ د چارواکو پر خبره، د عدلي او قضایي مرکز د کار له پیل نه تراوسه د دې مرکز اړوند محکمې د ۷ میلیونه ۶۰۳ زره افغانیو د مصادرې حکم هم صادر کړی دی.
