لوگر ولایتی کسلخانه‌سینی داکترلریدن بیرقطاری، یاتاق کم‌لیگی‌دن خواطر بیلدیریب ایتیشیچه، مذکور کسلخانه‌سی‌نینگ ظرفیتی 100 یاتاق دیر؛ بیراق هر کون 600 دن آرتیق کسل بو کسلخانه گه کیله‌دیلر.
لوگر ولایتی کسلخانه‌سی‌نینگ داکترلریگه کوره، بو کسلخانه‌نی کسل‌لر اوچون مناسب محیط و بناسی یوق دیر. اولرنینگ ایتیشیچه، کوپینچه پیت‌لرده ایکی باله‌نی بیر یاتاق ده یاتقیزیش گه مجبور بوله‌دیلر.
شونینگدیک، اوشبو کسلخانه‌نی کسل‌دارلر و کسل‌لریدن بیرقطاری‌نینگ ایتیشیچه، لوگر ولایتی کسلخانه‌سی‌نینگ بناسی کیچیک‌لیگی و انشاعاتی آز بولگنی باعث، اولرنی کوپینچه قیین‌چیلیک‌که روپه‌ره قیلگن.
لوگر ولایتی‌نینگ ساغلیق‌نی سقلش ریاستی‌نی باشلیغی ثمرگل ثمر، مذکور ولایت‌نینگ ولایتی کسلخانه‌سیده بولگن قیین‌چیلیک‌لرنی تَن آلیب ایتیشیچه، گرچند بو کسلخانه‌نینگ بناسی کیچیک و 100 یاتاقی بار؛ بیراق لوگر یشاوچی‌لریگه ساغلیک خصوصیده خذمت قیلیش اوچون هیچ قنده‌ی سعی و حرکت‌دن وازکیچمه‌یدیلر.
جناب ثمرگه کوره، لوگرده تیزلیک‌که باشقه بیر 300 یاتاقلیک کسلخانه قوریله‌دی.
گزارش‌لر اساسیده، لوگرده نایب امین‌الله خان کسلخانه‌سینی قوریلیش ایشی 10 ییل آلدین باشلنگن، بیراق اونینگ ایشی تورلی دلیل‌لر باعث، حاضرگچه یکونلنمه‌گن.
