لوگر ولایتی‌نینگ محلی بلند مرتبه‌لی رسمیلری، ولایتی‌نینگ خروار ولسواللیگیده طالب‌لرنینگ 15 کونلیک قورشاوینی سیندیرگن‌لر.
بیرینچی مرته ولایت‌نینگ خروار ولسوال‌لیگی‌گه سفر قیلگن ولایت والیسی محمد حلیم فدایی بوگون (چهارشنبه) مذکور ولسوال‌لیک‌نینگ بناسیده قیلگن نطق سوزیده ایتیشیچه، هجومده 65 طالب هلاک بولگن 125 طالب تن جراحتی آلگن. لوگر ولایت والیسی چمه‌سی 600 جنگری مذکور ولسوال‌لیک تورت تاماندن هجوم قیلگن‌لر دیگن.
جناب فدایی‌گه کوره، مملکت «دشمن‌لری بو توپراق‌ده شکست‌گه روپه ره» او، ولسوال‌لیکده ییرلشگن کوچلر دولت قورال‌لی مخالف‌لری برابریده روحیه‌لرینی قولدن بیرمس‌لیک‌لرینی سوره‌گن.
اما، طالب‌لرنینگ سوزلاووچی‌سی ذبیح‌الله مجاهدنینگ سلام‌وطندارگه ایتیشیچه، ولایت‌نینگ ولسوال‌لیگی هنوز هم طالب‌لر قورشاویده. اونگه کوره، مذکور اوروش‌ده فقط 7 طالب هلاک بولگن و 15 کیشی یره‌لنگن.
لوگر ولایت والیسی‌نی اوشبو سفرده یولداش‌لیک قیلگن امنیه قوماندان محمد داوودنینگ سوزلریگه کوره، عصیانچی طالب‌لرنی نابود قیلیش اوچون هنوز هم ملی پولیس بیلن ملی اردو کوچلر عملیات جریانی بار دیگن.
احمدی، جنگری طالب‌لر بیلن افغان ملی کوچلری اوروشی‌ده ملی پولیس نینگ 2عسکری قربان و آلتی حربی ایسه تن جراحتی آلگن دیگن.
عین حالده، خروار اهالی‌سی همده لوگر ولایت کینگشی نماینده‌لری، اوروش‌ده تینچ اهالی مالی و جانی تلفات کورگن‌لر دیگن‌لر.
لوگر ولایت کینگشی‌نینگ سوزلاووچی‌سی حسیب‌الله استانکزی، مرکزی دولت خروار ولسوال‌لیگی‌نینگ امنیت، صحت، ایکین‌چیلیک، و قیته قوریش بولیم‌لریگه هیچ قنده‌ی اعتبار بیرمه‌گن دیگن.
جناب استانکزی، افغان ملی کوچلری و جنگریلردن اوروش جریانیده تینچ اهالی جانی و مالی‌گه جدی اعتبار قره‌تیش‌نی سوره‌گن.
پایخت کابل‌نینگ قوشنی ولایتی لوگر نابرقرار ولایت‌لردن سنله‌دی. لوگر پولیسی بوندن نیچه وقت آلدین مذکور ولایت‌ده قورال‌لی طالب‌لرنینگ ییریک حربی مرکزی نابود ایتیلگنی‌نی ایتگن ایدیلر. سابق جمهور رییس 13 ییل جریانیده مذکور ولایتی‌ده‌گی جنگرلرنینگ ییریک حربی مرکزی هجوم آستی‌گه آلینشی اوچون رخصت بیرمه‌گن.
