لوگر ولایتی نینگ ازره تومنی یشاوچیلری و محلی مسؤوللری نینگ ایتیشیچه، مذکور تومن نینگ قتناو یوللری طالبان تامانیدن باغلنگن و بو تومن طالبان گروهی قولی گه سقوط قیلیشی ممکن.
ازره تومنی یشاوچیلریدن بیرقطاری نینگ سلام‌وطندارگه ایتیشیچه، اوتگن بیر هفته‌دن بویان مذکور تومن نی قتناو یوللری طالبان تامانیدن باغلنگن.
اولرگه کوره، طالبان گروهی یوللردن اوتیش اوچون کیم‌سه گه رخصت بیرمه‌یدی و بونگه علاوه، ازره تومنی گه ییگولیک ماده آلیب باریلیشی گه توسیق بوله‌دی.
بیراق، سلام‌وطندارگه صحبت بیرگن لوگر پولیس قومندانلیگی سوزلاوچیسی شاپور احمدزی نینگ ایتیشیچه، ازره تومنیده‌گی امنیتی کوچلر طالبان گروهی نینگ هرقنده‌ی هجومی گه جواب بیریش اوچون تیارگرلیک آلگن.
لوگر ولایتی نینگ ازره تومنی پکتیا، ننگرهار و کابل ولایت‌لری بیلن چیگره‌داش دیر و بو تومن طالبان گروهی نینگ قولی گه سقوط قیلگن صورتده، قوشنی ولایت‌لرنی خوفسیزلیگی اوستیگه سلبی تأثیر قویه‌دی.
