افغانستان‌نینگ جنوب شرقیده جایلشگن لوگر ولایتی محلی بلند مرتبه‌لی رسمیلری، کتب‌خیل قیزلر اورته مکتبی قوراللی طالبلر آرقه‌لی بوتکول یاندیریب یوباریلگن لیگینی بیلدیردیلر.
لوگر ولایتی نینگ ولایت کینگشی اعضاسی محب‌الله صالح همده محمدآغه شهری‌نینگ یشاووچیلری جمعه‌دن شنبه‌گه اوتکر کیچه‌سی ساعت 8 ده مذکور مکتب قوراللی طالب تامانیدن اوتگه یاندیریب یوباریلیگن‌لیگینی تیلگه آلگنلر.
قوراللنگن کیشیلر مکتب قوریقچیلری‌نینگ آیاق قولینی باغلب، کتب‌خیل قیزلر اورته مکتبی‌نی بوتونلی یاندیریب یوبارگنلر.
ولایت کینگشی نینگ اعضاسی، اوشبو مکتبده 550 اوقوچی درس بیلن شغلله‌نیب کیلگن لیکلرینی ایتگن.
ایتیلیشیچه، مکتب نینگ بوتون اوقوو قورال جهازی یانیب کیتگن. خبرنی تصدیقله‌گن ولایت نینگ محلی رسمیلری، بو توغریده تفصیلات بیرمه‌گنلر.
اما، هنوزگچه قوراللی طالبلر حرکتی ییتکرمه‌لرگه بو حقده بیرار نرسه دیمه‌گن.
