برکی برک تومنی‌ده‌گی محل یشاوچی‌لری و کوچیلر ارا تورت ییل‌دن بویان 2000مینگ جریب ییر جنجالی چیقیب دعواگه توشگن ایدیلر.
لوگر برکی برک تومنی‌نینگ باشلیغی محمد رحیم امین سلام وطندارگه ایتیشیچه، کوچیلر بیلن محل یشاوچی‌سی ارا حکومت رسمی‌لری اره‌لشووی بیلن مساله حل ایتیلگن ایکن، اما حاضر ایسه کوچیلر مذکور آتیش کیسین‌دن باش تارتگن.
امین‌گه کوره، نیچه کوندن بویان کوچیلر برکی برک و آب جوش یولی‌ده ییر دعوا سیگه جنجالی چیقگن کیشی‌لر یوللرینی توسگن. او، کوچیلر بیلن محل یشاوچی‌لری ارا اوتکزیلگن توقنه شولرنی لوگر و مرکزی حکومت رسمی‌لریگه گزارش بیرگن لیگی‌نی ایتگن.
امین کوپه یتیریشیچه: « نیچه کوندن بویان کوچیلر ننگرهار و خوست ولایتلریدن اوشبو تومن‌ده کیلیب خاک دشتی منطقه سی ده‌گی سوولیک قودوقلریگه ایگه چیققن‌لر».
لوگر ولایتی کینگش اعضاسی محمد ناصر غیرت، خاک دشتی منطقه سی ده‌گی کوچیلر بیلن محل یشاوچی‌لری ارا یوزبیرگن توقنه شوو ولایت اداره سی‌نینگ کنترولی‌دن چیقگن، بو مساله اوچون مرکزی حکومت بیر ایش قیلمه گن صورتده، مذکور توقنه شولر وضعی یامان لیک‌لرگه تارتیلیشی ممکن دیدی.
غیرت نینگ ایتیشیچه؛ آلدینگی جمهور رییس حامد کرزی کوچی‌لرگه 3 مینگ جریب ییر بیریلسین دیب حکم بیرگن ایدی، اما حاضرگه قدر مذکور ییر کوچیلر اوچون بیریلمه گن.
ایکی آی آلدین هم کوچیلر و محل یشاوچی‌لری ارا مذکور ییرلر اوچون توقنه شو یوز بیریش نتیجه سیده 20 کیشی هلاک و جراحت آلگن ایدی؛ اما حاضرگچه مذکور قیین چیلیک حل ایتیش اوچون هیچ ایش بولمه گن.
موندن بیر یریم آی آلدین پروان ولایتی کینگش اعضاسی، پروان ولایتی‌گه تیگیشلی ییرلرنی کوچیلر کیلیب ایگه چیقگن لیگیدن خبر بیرگن ایدی. اولر کوچیلر حکومت واسطه سی بیلن محلده کیلتیریلگن لیگی‌نی ایتگن ایدیلر.
شونینگ‌دیک اوتمیش 13 مابینیده کوچیلر بیلن زمین اوستیگه میدان وردک ولایتی‌نینگ بهسود تومنی و غزنی ولایتی‌نینگ ناهور تومنی‌ده توقنه شولر بولیشی بیلن قربان‌لیک آلگن ایدی. حامد کرزی حکومتی کوچیلر قیین چیلیگی حل ایتیلیش توغری سیده خبر بیرگن ایدی، اما مذکور قیین‌چیلیک حاضرگچه حل بولمه گن حالده قالگن.
اشرف غنی و عبدالله لر سیلاو کمپاینی پیتیده محل یشاوچی‌لری بیلن کوچیلر ارا حل ایتیلمه گن معمالر حل ایتیش وعده سی‌نی بیرگن ایدیلر. نیچه پیت آلدین جمهور رییس غنی ایکینچی اورین باسری سرور دانش هم کوچیلر قیین چیلیگی حل ایتیلگن لیگیدن خبر بیرگن ایدی و ملی بیرلیک حکومت باشلیغی جمهور رییس غنی تیزلیک‌ده جرگه ایجاد بولیشی بیلن مذکور قیین چیلیک‌لر حل ایتیلیش بویروغینی بیردی دیگن ایدی.
