د میدان وردګو نرخ ولسوالۍ له کلونو کلتوري ځنډ وروسته (چهار شنبې د اپریل په ۸ مه) د یوې مشاعرې کوربه و.
دغه مشاعره د ځوانانو ټولنې له لوري د پسرلنۍ مشاعرې تر سرلیک لاندې جوړه او شاوخوا سلو تنو په کې ګدون کړی و.
په مشاعره د نرخ ولسوالۍ په مقام کې جوړه شوې وه، د ځایي چارواکو سر بېره ګڼ شمیر ځوانانو او قومي مخور ګډون درلود.
په دې مشاعره کې د شاعرانو له لوري د سولې، امن، ملي یووالي، مڼو او نور بېلا بېلو موضوعاتو په اړه خپل لیکلي شعرونه ګډون والو ته واورول.
د نرخ ولسوال محمد حنیف حنیفي، شاعران د ټولنې مهم کسان یاد کړل او زیاته یې کړه، چې شاعران دې د نیوکې او ستاینې ترڅنګ، د جګړې غندنه او د سولې ستاینه وکړي.
ولسوال د فکري رغونې په برخه کې د دغسو مشاعرو جوړول نیک ګام یاد کړه.
له بله لوري د یادې ولسوالۍ څو تنو مشرانو د نرخ په لسوالۍ کې له کلونو ځنډ وروسته د دغو مشاعرو په جوړولو خوښې ښکاره کړه او زیاته یې کړه راتلونکي مشاعره به په یوه کلیواله سیمه کې جوړيږي.
د مشاعرې په پای کې د ولسوالۍ مقام له لوري شاعرانو ته یو لړ چمتو شوې ډلې ورکړل شوې.
څو ورځې وړاندې له دې په چک ولسوالۍ کې هم له کلونو کلتوري ځنډ وروسته د سلګونو کسانو په ګډون یو مشاعره جوړه شوې وه.
ټاکل شوې ده چې د ورګودو په سید آباد ولسوالۍ کې به هم دې ورته مشاعر جوړه شي.
