.jpg)
نن د ډېسمبر ۹مه له فساد سره د مبارزې نړۍوالې ورځې سره سمون خوري؛ د ولسمشرۍ ټاکنو لهپاره د ولسمشر محمداشرف غني د وینا لهپاره د بهانې تریبیون دی.
ښاغلی غني وايي، دولت یې د اصلاحاتو په راوستلو سره د هېچا لهپاره خنډ نه رامنځته کوي.
ظاهراً یې هغو نیوکو ته اشاره ده چې ټولنیزو شبکو او رسنیو کې راپورته شوېدي.
نیوکګر وايي، د غني اصلاحي پروګرامونه، قومپاله او مشکوک دي.
خو ولسمشر محمد اشرف غني وویل، دوو ډلو د ملي یوالي حکومت پروګرامونو په اړه غبرګون ښودلي. یوه ډله چې فکر کوي د اصلاحاتو په راوستلو سره، د پرمختللې ټولنې بنسټ کېښودل کېږي او بله ډله پهدې فکر ده چې د اصلاحاتو راوستل، نورو ته د څاهکیندلو معنا لري.
ښاغلی غني زیاتوي، وروستۍ ډله د اصلاحاتو راوستو په برخه کې منفي برداشت کوي.
ښاغلی ولسمشر وايي، د کانکور پروسې، د قراردادونو لاسلیکولو، د حکومتي او عدلي او قضايي بنسټونو د کارکوونکیو په ګومارلو کې اصلاحات د ملي یوالي حکومت له رامنځته کېدو وروسته رامنځته شويدي.
ښاغلی غني په تلویحي ډول پخوانی حکومت هېواد کې د وروسته پاتې کېدو او لوړو او ژورو مسوول وبللو او ويې ویل چې دغه وضعیت د پای ته رسېدلو په حال کې دی.
.jpg)
د ولسمشر دویم مرستیال سرور دانش بیا په همدې مراسمو کې وویل، که څه هم د فساد پر وړاندې د ملي یوالي حکومت مبارزې په اړه ځېنې کورنۍ او بهرنۍ پرېکړې، غیرمنصفانه دي؛ خو د خپل رییس پرخلاف پهدې اند دی چې تراوسه پورې دې برخه کې بشپړه بریا نهده ترلاسه شوې او لا هم اوږده لاره په مخ کې ده.
د ده په خبره، لا هم سترو خنډونو او ننګونو سره مخ دي.
دې غونډې کې کابل کې د برتانیا سفبر سر نیکولاس کي خپلې خبرې په موسکۍ ژبه پیل کړې او ویې ویل، نه پوهېږي چې کابل کې له فساد سره د مبارزې نړۍوالې ورځې له نمانځلو خوښ شي او کهنه.
خو د امریکا متحده ایالتونو سفیر جانبس د اصلاحاتو په راوستلو ټینګار وکړ، ویې ویل، پولیس باید د ټولو پر وړاندې یو شان قانون پلي کړي.
له فساد سره د مبارزې نړۍواله ورځ داسې حال کې نمانځل کېږي چې د ولسمشر په فرمان ټاکل شوې تر راتلونکې یوې بلې ورځې، د فساد پر ضد د مبارزه کوونکیو تر نوم لاندې یو شمېر لوړپوړو حکومتي چارواکیو ته مډالونه ورکړل شي.
