غور ولایتیده بیر قینه-کیلین اوروشی نتیجه‌سیده 7 یاشیر قیزباله اولیمی‌گه سبب بولگن. غور ولایتی نینگ محلی رسمیلری، حادثه ولایت خره‌سنگ تومنیده روی بیرگن دیگنلر.
شهرک تومنی باشلیغی محمد کبیری نینگ سلام‌وطندارگه، خاورناملی قیزگینه نینگ جسدی شهرک تومنیدن تاپیلگن دیگن.
شهرک اولوسوالی نینگ ایتیشیچه، خانه‌دان کیلینی بیلن قینه‌سی اورته‌سیده تاپیلگن قیینچی‌لیک سبب کیلین قیزگینه‌سینی بوغیب اولدیرگن.
غور والیسی نینگ سوزلاوچیسی عبدالحی خطیبی هم بو قیزباله اولدیریلگن‌لیگینی تصدیقلب ایتیشیچه، حادثه طالب‌لر تصرفیده بولگن منطقه‌ده روی بیرگن.
خطیبی‌گه کوره، محل یاش اولوغلری یاردمیده حادثه عاملینی قولگه آلیشگه کورشه‌دیلر.
بادغیس‌ده بیر 20 یاشر عیال اوزینی اولدیرگن
باشقه بیرتاماندن بوگون بادغیس ولایتیده نسیمه ناملی 20 یاشر عیال اوزینی آسیب اولدیرگن.
حادثه ولایت قدس تومنی نینگ لنگر منطقه‌سیده روی بیرگن.
بادغیس والیسی نینگ سوزلاوچیسی ظاهر بهاندنینگ ایتیشیچه، باشلنغیچ تیرگاولرکورسه‌تیشیچه، حادثه عایله‌وی خشونتلردن کیلیب چیقه‌دی. بهاندگه کوره، نسیمه عایله‌سی نینگ ایتیشیچه، او اوزینی آسیب اولدیرگن، بیراق عدلی طبیات نینگ کورسه‌تیشیچه، اوشبو عیال اولدیریلدیریلگن.
بادغیس والیسی نینگ سوزلاوچیسی نینگ ایتیشیچه، قضیه عامللرینی قولگه آلیش ایشی باشلنگن.
