فاریاب محلی پولیسی، قیصار تومنی‌نینگ اوچ امنیتی پوسته و ایکی قیشلاغینی طالب‌لرگه قویباردی.
شاهین209- قول اردو بیرینچی لوا سوزلاوچی‌سی محمد رضا رضایی‌نینگ سلام‌وطندارگه ایتیشیچه، محلی پولیس طالب‌لربیلن معامله گه اوتیب، ایکی قیشلاق و اوچ امنیتی پوسته‌نی طالب‌لرگه تاپشیرگن.
طالب‌لرهم کته‌ولنگ منطقه سیده‌گی پوسته‌لردن 4 ته‌سی و بیر نظامی قرارگاه‌نی آلگن‌لیک‌لرنی ادعا قیله‌دی.
اما قیصار پولیس اورین باسری و محلی پولیس 100 باشی نظام‌الدین، شاهین 209- قول اردو بیرینچی لوا سوزلاووچی‌سی ادعاسی‌نی رد قیلدی.
اونینگ ایتیشیچه، ایکی مینگ‌گه یقین قورالی طالب بادغیس، غور و فاریاب تومن‌لریدن مذکور پوسته‌لر اوستیگه هجوم ایلتیب، 24 ساعت توقنه شولر دوام تاپیشی بیلن پولیس نظامی جهازلری توگه‌لیشی بیلن مذکور پوسته‌لر طالب‌لر قولیگه توشگن.
نظام‌الدین نینگ کوپه یتیریشیچه، قیصار تومنی‌ده‌گی سونگی اوچ کون توقنه شوولر دوامی‌ده محلی پولیس کوچلریدن 3 کیشی هلاک بولیب، باشقه 8 نفر تن جراحت آلگن.
شونینگ‌دیک شاهین 209- قول اردو بیرینچی لوا سوزلاوچی‌سی نینگ ایتیشیچه، ایکی کوندن بویان 28 خنجر ناملی عملیاتنی اردو کوچلری باشلیغی‌ده قیصار تومنی‌ده یولگه قویلگن و تازه‌نفس کوچلر اردو نینگ کماندولری قوشیمچه مذکور تومن‌ده یوباریلگن.
فاریاب ولایتی‌نینگ قیصار تومنی‌ده امنیتی کوچلر بیلن طالب‌لر گروهی اورته سی‌ده اوچ کوندن بویان توقنه شوو دوام ایتماقده.
ینه بیرتاماندن قیصار محلی مسؤول‌لری‌گه کوره، اوروش سبب قیصار تومنی‌نینگ باشله‌مست و کته‌ولنگ قیشلاقلریدن بیرمینگ‌دن آشه عایله آواره بولگن.
محل یشاوچیلری، قیصار امنیتی‌گه توجه بولمه‌گن صورتده مذکور تومن دولت قورالی مخالف‌لری قولیگه اوتیشی‌دن خواطرکورستگن‌لر.
