قیش نینگ قسقتقیچ ساووغی کیلیشی بیلن غور و هرات ولایتلرینی قار قاپلهدی. بو قَلین قار یاغیش اهالینی بیر مونچه قیینچلیکلردن ییراقده قویمهگن. غور ولایتدهگی آغیر قار نتیجهسیده ولایت آلتی تومنی نینگ یولی شهر مرکزی بیلن بالغهنیب قالگن. شونینگدیک هراتده ایسه کمیده 53 مینگ خانهدان ساووق نینگ جدی تهدیدی بیلن یوزمه یوز.
مملکت غربی ولایتلری اوچون طبیعی حادثهلرگه قرشی کورهش ملی ادارهسی نینگ باشلیغی عبدالحمید مبارزی بوگون خبری بیر اولتیریشده، بو ادارهنینگ آلیب بارگن سوراوی نتیجهسیده (7500 عایله (53000 کیشی) قسقتقیچ ساووق تهدیدیگه روپه ره لر دیگن.
اونینگ سوزلریگه کروه، غور و فراه ولایتلریدن هرات ولایتیگه آواره بولیب کیلگنلرنینگ سانی آشگنی باعث مذکور ولایتده قیشده جبر کوره دیگنلرنینگ بو ییل سانی 50% آشگن.
هرات طبیعی حادثهلرگه قرشی کورهش ادارهسینینگ باشلیغی، ولایت مسووللرینی هراتده انسانی فاجعه یوز بیریلیشی ممکن لیگی توغریسیده آگاهلنتیرگن. لیکن، رسمیلر بو توغریده دییرلی تیارگرلیک کورمهگنلیگی ایتیلهدی.
افغانستان غربیده جایلشگن غور ولایتی اهالیسی نینگ بیر قنچهسی سلاموطندارگه ایتیشیچه، اوتگن کیچه ولایتده یوزبیرگن آغیر بُوران همده قَلین قار توشیشی عاقتبده آلتی تومن نینگ یولی مرکز بیلن کیسیلیب قالگن. شونینگدیک اهالی، ولایت مرکزیدهگی ساغلیقنی سقلش یولی آچیلمهگن حالده، تورلی کسللیکلرگه چلینگن بیمارلر عالمدن اوتیشی امکاندن اوزاق ایمس دیدیلر.
حادثهنی تصدیق ایتگن ولایت فواید عامه ریاستی نینگ باشلیغی خلیلالله نور، ولایت نینگ تومنلری یولی قاردن تازهلهنیش اوچون فواید عامه وزیرلیگی بودجه اجرهتمهگن دیگن. لیکن، یول آچیلیشی اوچون هر قندهی سعی و حرکت آلیب بارهمیز دیگن جناب نور.
عین حالده، مملکت نینگ شمالی ولایتلرینی پایتخت بیلن باغلاووچی سالنگنلرنی سقلاوچی اداره مسوولی جنرال محمد رجب سالنگی، سالنگلردهگی آغیر قار توشیشی نتیجهسیده بو یول نا معلوم وقتگچه ترافیک یوزیگه یاپیق حالده قالهدی دیگن.
