.jpg)
لیدا سلطانی کورمیدی. دنیا یخشیلیک و یامانلیگی توسینی کورمهگن. اونینگ ذهنیده فقط بوتون نرسهلردن نسبی وصال خاطرهسی بار. کورینیشیچه، بوتون بارلیق اونینگ کوزیگه قارانغو؛ لیکن، بوندهی هم ایمس. لیدا عجیب بیر یامانلیک و ذوق بیلن تحصیلگه باشلهگن. حاضر کابل بیلیم یورتی ژورنالیسم فاکولتهسینینگ ایکینچی صنف طلبهسی بولیب درس اوقیدی لیدا سلطانی.
25یاشلی لیدا، ژورنالیسم کونیکمهلری و توشی حقیقتگه ایلهنیش اوچون هر کون اوقیش اوچون بیلیم یورت بارهدی. سلطانینینگ حکایهسیگه کوره، نابینالرهم اخبارات واسطهلریده ایش قیلیب اوز قابلیتلرینی باشقهلرگه کورسهتیش اوچون تلویزیونده نطاقلیک قیلیشگه جوده قیزیقهدی.
اما، کوندهلیک درسلر ترکیبیدن دییرلی یازیب آلیشگه قادر بولمهگن لیدا، باشقه صنفداشلری سینگری عادی روشده درسگه دوام ایتیره آلمسلیکلریدن نالیدی. لیدا "بریل" خطی بیلن تَنیشلیگینی ایتهدی؛ بیراق، بیلیم یورتده هیچ کیم بو خط اساسیده درس بیرمیدی. انه شو سبب لیدا سلطانی برچه درسلرنی اودیو یازیب آلهدی.
دنیا یاروقلیگینی کوریشدن محروم بولگن بو خانیم، درسلیکلر ترکیبیدهگی موضوعلرنی درست اورگهنیش اوچون هر مضمونگه 100 افغانی بیریب، اودیوگه المشتیرهدی.
.jpg)
بیلیم یورت استادلریدن خرسندلیک اظهار قیلگن لیدا، اوقیتوچیلر سیناونی گپیریش شکلده آلهدیلر دیگن. اوقیتوچیلر ینه محصللر حرکتیدن راضی ایکنلیکنی لیدانینگ سیماسیده کوریش ممکن. لیدا اوقیشلریگه همکارلیک قیلهدیگنلردن تشقری باشقه صنفداشلرینی ایناغه کبی سیوهدی.
لیدا نیتلریگه ایریشیش اوچون دایم خانهدانی تامانیدن ترغیب ایتیلگن لیگی اوچون ممنون. عایله اعضالری قیزی باشقه نابینالر اوچون نمونه بولیشنی ایستیدی. لیدا، نابیان بولمهگن تقدیرده، دنیا گوزهللیکلرینی عکس ایتیریش اوچون صورتچی بولیش اوچون قیزیقیشی یوق ایمس لیگینی هم تیلگه آلهدی.
اونینگ دایم "کور" سوزینی ایشیتیشدن آغریق چیکیب اظهار قیلیشیچه، هیچ نرسه حیاتده اونی بونچهلیک امیدسیز قیلمدی. دنیا گوزهللیکلرینی کوریشدن طبیعی محروم بولگن لیدا سلطانی، اهالیدن؛ کوره دیگن و کورمه یاتگنلر اورتهسیده فرق قایل بولمسلیکلرینی سورهدی. طبیعت منظرهسینی کوریش قابیلیتی سلب بولگن لیدا، ناگرانلیک عیب ایمس، بلکه قابلیت دیب قویهدی.
