.jpg)
مملکت قیشلاقلرنی رواجلنتیریش وزیرلیگی 263 میلیون افغانی بهاسیده بولگن 88 ته شرطنامهنی قیشلاقلرنی رواجلنتیریش کینگشلری بیلن امضالهدی.
افغانستان قیشلاقلرنی رواجلنتیریش وزیری نصیراحمد درانی بوگون (سهشنبه) کابلده قیشلاقلرنی اوستیریش کینگشینینگ نمایندهلری بیلن اوتکزگن قوشمه انجمنده توپلم 88 شرطنامهدن 9 تهسی سوو ییتکزیش و تازه ایچیملیک سوو تیارلش و قالگنلری ایسه کته و کیچیک سوو توغانلری، استنادی دیوارلر و کاناللردن عبارت دیدی.
او، سوو ییتکزیش لایحهسی ایشی باشلهنیشی بیلن قندهار، غزنی، ننگرهار، بلخ، خوست، فاریاب، بادغیس، کنر، غور و نورستان ولایتلریده 61مینگ کیشیگه ایش زمینهسی یرهتیلهدی دیگن.
شونینگدیک جناب درانی تخار، غور، بامیان، ننگرهار، خوست، بلخ، سمنگان، بدخشان، غزنی، قندوز، لغمان، سرپل، پکتیا و کابل ولایتلریده قوریلهدیگن سوو توغانلری و استنادی دیوارلرپروژهسی 238مینگ کیشینی ایش بیلن تامینلیدی دیگن.
