.jpg)
ایتیلیشیچه، هر شخص‌نینگ نامی اونینگ کیملیگی بیلگیسی، او اوشه نام بیلن تانیله‌دی. اما، کیشیلرنینگ نامی بیر- بیراوی آتیگه اوخشش بولگنی سبب اوزیگه ایکینچی نام تنلش‌گه اولگوره‌دی. کیشی‌گه خانه‌دانی تامانیدن بیریگن نام اوشه شخص اوچون مستقل روشده تنلنگن اسم حسابنله‌دی.
افغانستان مدنی قانونی‌گه اساسن، کمیسه‌نینگ اوزیگه تخلص تنلشی اختیاری مساله. منه شو قانونگه موافق هر کیشی اوزیگه تخلص تنلیش‌گه ایگه. اما، عدات‌گه کوره، خانملر اوزیگه تخلص تنلگن حالده، تورموش اورتاغی نینگ تخصلی‌نی تنلیدی. یعنی خاتین‌لر سنت لرگه قره‌گنده، تخلص تنلش اوچون ایرکین‌لیگی یوق.
بیلیم یورت استادی همده جامعه شناس جواد سلطانی‌نینگ تخلص تنلیش فلسفه‌سی باره‌سیده ایتیشیچه، فرهنگ دایم اوزگریش آقیمیده و انه شو کبی تخلص تنلش هم اوزگریش‌گه روپه‌ره بوله‌دی. ایسکی زمانلرده عمومن تخلص‌لر قوم، قبیله و اجتماعی گروه‌لرگه باریب چیلکن‌لردی. جناب سلطانی‌نینگ سوزلریگه کوره، اوتگن زمانلرده تخلص تنلش و اوندن فایده‌له‌نیش حاکم بولگن ایدیولوژی‌لر و جامعه نینگ اساسی رولی بولگن.
ملوک الطوایفی حکومت‌لر و ییریک خانه‌دان‌لر زمانوی همده بعضی سولاله‌لر جمله‌دن غزنویلر زمانیده هم حاکم و پادشاه‌لر هم اوز نامی یانیده پسوند تنله‌گنلر. بو سوز ایسه کیشی‌نی مخصوص قوم و قبیله‌گه باغلیق لیگینی کورسته‌دی. بو تنلش‌لر کوپراق سیاسی و اجتماعی موقف‌لرگه بارلیب تقیله‌دی. انه شو سبب جناب سلطانی‌نینگ سوزلریگه قره‌گنده، اسم و تخلص بیر جامعه‌نینگ عمومی وضعیتی‌نی عکس ایتیریش اوچون رولی بار.
.jpg)
اما، بوگون کورینیشیچه، کیشی‌لر اوزی – اوزیچه تخلص تنلیدی. حتی بعضی خانه‌دانلرنینگ بیش کیشی فرزندی‌نینگ هر بیری اوزیگه علیحده تخلص انتخاب ایته‌دی. تلخص‌لر کیشی‌نینگ ذوقی همده سلیقه‌سی‌گه موافق تنلنه‌دی. بعضی تخلص‌لر ایسه عجیب غریب فکرنی کیشی‌گه توغدیره‌دی. جمله‌دن پویا، جویا، مهربان، همرا، تنها، تهی، فریاد، آرام، نگاه و بو کبی ناملر اخیرگی ییل‌لرده یاش‌لر ایچیده رواجلنگن اسم‌لردن حسابلنه‌دی.
بیلیم یورت‌نینگ استادی خدیجه مرادی‌نینگ تخلص‌لر توغریسیده ایتیشیچه، بو تخلص‌لر ایسه اونچه‌لیک دایمی قالمدی؛ اما، زمان اوتیشی بیلن کیشی‌نینگ علاقه‌سی و سلیقه‌سی‌گه موافق اوزگریشی ممکن. کیشی‌لر حیات جریانیده اوزیگه بیر نیچه تخلص‌نی تنلیش اوچون سعی و حرکت قیلیگنی اجتماع‌ده کورینیب تورگن مساله‌لردن.
شونینگ‌دیک خانم مرادی تخلص تنلیش‌نی باشقه بیر زاویه‌دن قره‌ب، تخلص کیشی‌گه تیگیشلی مستقل و شخص اوچون مخصوص هویت لیگینی بیلدیره‌دی. عایلوی آت ایسه جبری بیر اسم بو ایسه هر بیر کیشی اوچون تحمیل ایتیله‌دی، لیکن تخلص ایسه کیشی‌نینگ مستقل و ایکینچی نامی حسابنله‌دی. شخص‌لر اوزی‌نینگ تفکری اساسیده اوزیگه مخصوص تخلص تنلیش گه اولگوره‌دی.
هر حالده، بوگون کیشی‌لر اوزی اوچون مخصوص تخلص تنلیش شخصی بیر مساله حسابنله‌دی. لیکن، کوپینچه تخلص‌لر هم اونچه‌لیک قونت بیلن هم شخص‌لرتمانیدن انتخاب ایتیلمی‌دی. زمان اوزگریشی بیلن یاش‌لر ایچیده تخلص‌گه بولگن اعتبار هم کوچه‌یب باره‌دی. هر قسم تخلص تنلیش ده باره – باره اوزگره دی.
