سلام‌وطندار اجتماعی گزارشلری تیزیمی‌ده، دولت و نادولت اداره‌لریده جنسی زوره‌وانلیک‌که قربان بولگن قطار کیشی‌لر بیلن صحبت اوتکزگن. اوشبو صحبت‌لر توپله‌می بیر خاص لایحه‌گه جایلشتیریلگن. صحبت اوتکزگن‌لرنینگ برچه‌سی‌نینگ آتی مستعار دیر؛ بیراق حکایه‌لر حقیقی.
صدیقه: نیچه وقت‌دن بیری ایش‌سیز بولگندیم. کونلردن بیر- کون یول‌ده سابق دوست‌لریم‌دن بیری بیلن اوچره‌شیب ملاقات قیلدیم. او، دولت‌نینگ مهم لوازم‌لریدن بیریده ایش قیلردی. بیر آز صحبت‌دن سونگ قیین چیلیگیم توغریسی‌ده بولگن گپ‌نی او بیلن اورته گه قویدیم. او هم همکارلیک قَولی بیریب مینگه دیدی: ایشلرینگنی توزه‌ته من لیکن، بیر شرط بار. سوره‌د‌یم شرط نیمه؟ اویت‌سیزلیک بیلن، مین بیلن عشق قیل. مین هر کون مزاحم بولمی‌من. اما، هفته ده بیر – ایکّی کون آرتینگ‌د‌ن کیله‌من. باشیم قاتیب غضب‌لنگن‌لیک‌دن آغیریم‌گه نیمه کیلگن لیگی‌نی اییه‌مس‌دن ایتیدیم. بو حادثه‌دن سونگ، اوشبو شخص دن هم نفرتلندیم. اوزیم‌دن هم یامانیم کیلدی. نیمه اوچون ایش تاپیش‌ده بونچه‌لیک قینه‌لیب، آغزیم‌گه کیلگن گپ‌لرنی اونگه ایتیب، اوزیم‌نی بو قدر خار و زار قیلدیم.
فاضله: نیچه وقت‌دن بیری ایش آرتی‌دن توشگن ایدیم. دولت مکتب‌لریده اوقیتوچی‌لیک قیله دیگن دوست‌لریم بیریدن بو ساحه ده کمینه‌گه همکارلیک قیلیش‌نی طلب قیلدیم. اوهم، بیر ایرکک‌نی مینگه تانیشتیریب، ایشانچلی شخص بولگن لیگی‌نی بیلدیردی. اوقیتوچی اوشخص‌گه قونغراق قیلیب، مینی اونگه تانیشتردی. او بولسه مین یبلن یقین دن کوریشیش‌نی سوره‌دی. ایش اداره‌سی‌گه باریشیم بیلن تحصیل درجه‌ام همده بوندن آلدین قه‌ییرلرده ایشله‌گن لیگیم‌نی بیلماقچی بولدی. صحبت لریم تمام بولگن‌دن سونگ، یوزینی اوگریب، شو گون ایش بیلن تامین بوله‌جگیم ایتدی. فقط اورته‌ده بولگن قیین چلیگنی هم اوزینگ حل قیلیشینگ ممکن دیدی. سوره دیم نمیه مشکل؟ توختلمس‌دن جواب بیردی. مین بیلن بولیب کمینه‌نی راضی قیلیشینگ هم شرط. مین هم ساده‌لیک بیلن اونینگ سوزلرینی بیرینچی مرته توشینیب آله آلمه‌دیم. انه شبو سبب هم اوشه آنده هیچ نرسه دیمیه دیم. لیکن، اویگه قیتیب یول‌ده اونینگ گپ‌لری توغریسی‌ده هر تامالممه فکر قیلگنمی سبب اونینگ ذهنی‌ده بعضی بیر نا توغری مساله لر بارلیگینی توشوندیم. اویگه باریب بو سوزلرنی آنم و سینگلیم گه ایتیب بیردیم. سونگ دوستیم‌گه قونغراق قیلیب، مینی تانیشتیرگن آدمین‌گه زنگ اوریب ایت، مین او اویله‌گن کیشی‌لردن ایمس‌من. بوتون حیاتیم‌نی ایش سیزلیک بیلن اوتکزه‌من، لیکن آبرویم بیلن اوینه‌می من دیدیم.
لیلما: بیر آیدن بیری تورلی محصولات ا یشلب چیقاره‌دیگن بیر کارخانه‌ده ایش بیلن تامین بولگن ایدیم. جوده کوپ ایش قیلردیم. دایم یخشی ایش بجریش‌نی اوزیمگه مقصد قیلیب قویگن ایدیم. لیکن، هر دایم ایش باشچی‌میز قیلگن ایشلریمنی تنقید آستی‌گه آلیب، بعضی کمچیکلرینی اته‌یین یوزیم‌گه تارتردی. کونلردن بیر کون یانیم‌گه کیلیب اولتیریب، اورگه‌تیش‌گه باشله‌دی. مین هم بولسه اونینگ سوزلرینی قونت بیلن تینگلردیم. سوزلری تمام بولیشی بیلن قولینی رانم‌گه قوییب دیدی، اورگندینگ می؟ مین بولسه گیچ بولیب قالگن ایدیم، عضبلهنیب اورنیمندن توریب، اوشه آنده استعفانی ریس‌گه تاپشیردیم. اما، مینینگ اعتراضیم‌گه جواب بیلدیرگن رییس، بو مساله طبیعی بیر حال، بونده‌ی گپلر برچه اداره‌لرده بار دییه مینی یوپه تیش‌گه اولگوردی. بو سوزلرنی ایشیتیش بیلن بو فابریکه‌ده بوندن بویان مینگه ایش قیلیش شرایطی یوق دیدیم اوزیمگه. اوشه آنده استعفا بیریب، ایش‌دن بوشه دیم.
