جوزجان ولایتی نینگ قوش‌تپه تومنی اوچ کون آلدین طالبان قولیگه سقوط قیلگن ایدی و مذکور تومنده جای‌لشگن ملی اردو کوچلریدن 42 ته‌سی طالبان قولیگه توشگن ایدی، بیراق قوم بویوک‌لرنینگ سعی و حرکتی سبب، قوییب یوباریلگنلر.
جوزجان پولیس قومندانی عبدالواحد وجدان نینگ بو خبرنی تصدیق‌لب ایتیشیچه، مذکور تومن "دوشنبه" کیچه طالبان نظارتی‌گه اوتگن ایدی.
جناب وجدان نینگ ایتیشیچه، قوش‌تپه تومنی طالبان قولیگه سقوط قیلگنی‌دن سونگ، پولیس کوچلریدن هم کمیده 50 ته‌سی طالبان قولیگه توشگن ایدی‌لر و بو جمله‌دن 4 ته‌سی قوتقریلگن، بیراق باشقه 45 ته‌سی نینگ سرنوشتی بیللی ایمس.
طالبان گروهی هم ملی اردو کوچلرنینگ قوییب یوباریلگنی‌نی تصدیق‌لگن، بیراق پولیس عسکرلری خصوصیده فکر بیلدیرمه‌گن.
جوزجان امنیتی مسووللری نینگ ایتیشیچه، قوش‌تپه تومنی نینگ طالبان وجودی‌دن تازه‌لش اوچون تیزلیک‌که حربی عملیات یولگه قوییله‌دی.
