قندوز ولایتی‌ده سکیز کون دوامی‌ده آلیب باریلگن اوورش دن کیین ولایت نینگ مسوول‌لری، شهر بوتونلی قورال‌لی طالب‌لر تصرفیدن آزاد ایتیلیب وضعیت عادی حالت‌گه ایلنگن لیگینی ایتگن‌لر.
قندوز امنیه قوماندانی محمد قسیم جنگل باغ‌نینگ ایتیشیچه، حاضر شهر اهالی‌سی باردی – کیلدی قیله آله‌دی اهالی اوچون هیچ قنده‌ی تهدید یوق.
باشقه تاماندن افغانستان ایچکی ایشلر وزیرلیگی‌نینگ سوزلاووچی‌سی صدیق صدیقی، ملی کوچلر قندوز شهری جنگریلردن تازه‌لنگونگه قدر تازه‌لش عملیات دوام ایته‌دی دیگن.
شونینگ‌دیک ملی مدافعه وزیرلیگی سوزلاووچی‌سی دولت وزیری، ملی کوچلرنینگ عملیاتی ایکینچی باسقیچ گه کیلگن دیگن. اونگه کوره، عملیات نینگ ایکینچی باسقیچی‌ده امنیتی کوچلر قندوز شهریده مدافعه‌وی بیلباغلرنی مستحکم قیله‌دی.
اما، قندوز اهالی سی‌نینگ سلام‌وطندار بیلن صحبت قیلیب، جنگری طالب‌لر هنوز ولایت نینگ ایریم بولیملریده حاکم دیگن‌لر و جنگریلر انده – سینده ملی کوچلری بیلن توقنشه‌دی.
شونینگ‌دیک اولرنینگ سوزلریگه کوره، دولت نظارتی آستیده بولگن اوروش‌ده آواره بولگن‌لر اوچون ملی کوچلر سوو، ییگولیک آذیق آوقت و دارو ترقه‌تیب بیرگن.
افغان ملی کوچلری اوتگن کون (یک‌شنبه) قندوز شهری‌نینگ ییریک قسمی دولت تصرفیگه اوتگن لیگینی ایتگن ایدی. امام صاحب بندری، سه درک، چله مزار، بالاحصار، حاک کی و زاخیل اوتگن کون جنگریلر اشغالیگ‌دن آزاد ایتیلگن منطقه‌لردن.
اوتگن هفته دولت قورال‌لی مخالف‌لری ییریک هجوم اوتکزیب قندوز شهرینی اوز تصرفیگه آلگن ایدی، بیراق اوچ کوندن کیین بو ولایت افغانستان ملی کوچلری و ناتوحربی‌لری همکارلیگی بیلن عصیانچی طالب‌لر اشغالی‌دن آزاد ایتیلدی.
