بوگون ایرته‌لب قورال‌لی طالب‌لر نیچه تامانیدن قندوز ولایتی‌نینگ خان‌آباد و علی‌آباد تومن‌لری اوستیگه هجوم قیلیب و نیچه ساعت توقنه‌شوودن کیین، خان‌آباد تومنی‌نی نظارت‌گه آلگن‌لر.
خان‌آباد تومنی‌نینگ حاکمی حیات‌الله امیری، سلام‌وطندار بیلن اوتکزگن صحبتیده، مذکور تومن سقوطی‌نی تصدیق‌لب ایتیشیچه، منطقه‌ده قتیق آتیشمه دوام ایتماقده و اولر جدی شکلده یادمچی کوچ‌گه احتیاج بولگن‌لر.
جناب امیری‌نینگ کوپه‌یتیریشچه، آتیشمه شدت‌لنگنی باعث، قندوز- علی‌آباد قتناو یولی توسیلگن.
شونینگ‌دیک، علی‌آباد تومنی حاکمی حیات‌الله فقیری، مذکور تومن‌ده امنیتی کوچلر بیلن طالب‌لر آره‌سیده قتیق آتیشمه دوام ایته‌یاتگنی‌دن خبر بیره‌دی.
محلی رسمی‌لر حاضرگچه آتیشمه‌لر قربانلیگی توغری‌سیده معلومات بیرمه‌گن‌لر.
قورال‌لی طالب‌لر میدیاگه پیام یوللب مذکور تومن‌نی نظارت‌گه آلگنینی تصدیق‌لب ایتیشیچه، آتیشمه‌لر نتیجه‌سیده امنیتی کوچلرنینگ بیر مقدار حربی جهازی اولرنینگ قولی‌گه توشگن.
قندوز مملکت شمال‌شرقی‌ده ناتینچ ولایت‌لردن بیری سنله‌دی و اوتگن ییل نیچه کون قورال‌لی طالب‌لرنینگ نظارتی‌گه اوتگن ایدی و سونگی کونلرده قندوز ولایتی‌نینگ بیرقطار تومن‌لریده اوشبو گروه‌نینگ هجومی شدت‌لنگن.
