.jpg)
قندوز ولایتی‌ده هندولر کینگشی باشلیغی لالا دلسوز آتی‌گه تانیلگن نرمون سینگ، قوراللی کیشی‌لر تامانیدن اولدیریلدی. قندوز شهری ایکینچی مرته طالب‌لرنینگ قولی‌گه سقوط قیلگنی‌دن کیین، برچه هندولر (30 عایله) اوشبو ولایت‌نی ترک ایتگن و یالغیز هندولر کینگشی‌نینگ باشلیغی و باشقه هندو و سیک فقرالریدن ایکی کیشی مذکور ولایتده قالگن ایدیلر.
قندوز پولیس قومندانلیگی سوزلاوچیسی محفوظ‌الله اکبری‌نینگ ایتیشیچه، قندوز شهریده هندولر کینگشی باشلیغی نرمون سینگ، بوگون ایرته‌لب ایش‌گه تامان باره‌یاتگن بیر چاغده اولدیریلگن.
جناب اکبری‌گه کوره، واقعه عامل‌لری قولگه آلینیشی خصوصیده، تدقیقات باشلنگن.
نرمون سینگ نینگ تاغه‌سی برید سینگ نینگ سلام‌وطندارگه ایتیشیچه، اولر افغانستان‌نی ترک ایته‌دی و باشقه هیچ‌قچان بو مملکت‌گه قیتمه‌یدیلر.
40 یاشیده بولگن نرمون سینگ کیچه‌لرنی قندوز شهریده هندولرنینگ عبادتگاهی‌ده و کوندوزلرنی خان‌آباد بندریده‌گی طبیعی دارو ساتووچی دکانی‌ده اوتکزردی.
قندوز ده‌گی هندولر کینگشی باشلیغی، بوندن تورت ییل آلدین هم سوء قصد قیلینگن ایدی.
