.jpg)
نماینده‌لر کینگشی اعضالری، قندوز ولایتی‌نینگ دشت‌ارچی تومنیده دینی مدرسه اوستیگه اویوشتیریلگن هوایی هجوم نی بشریت گه قرشی دیگن. اولرنینگ ایتیشیچه، مذکور هجوم ده طالب‌لردن کوره تینچ اهالی کوپراق زیان کورگن.
نماینده‌لرکینگشی باشلیغی عبدالرؤوف ابراهیمی‌نینگ ایتیشیچه، مدرسه تعلیمات مرکزی بولگنی اوچون نشان گه آلینیشی بشریت گه قرشی دیر. او، یوز بیرگن حادثه جدی شکلده تیکشیریلیشی اوچون بیر هیأت تعیین قیلدی.
نماینده‌لر کینگشی ده قندوز اهالیسی‌نی نماینده‌سی کمال صافی‌نینگ ایتیشیچه، بو هجوم افغانستان خلقی‌نینگ دشمن‌لری تامانیدن عمل گه آشیریلگن و حکومت تشکیلاتیده قطار کیشی‌لر، تینچلیک‌که توسیق بولیب و اوز منفعت‌لرینی ناتینچلیک‌که کوره‌دیلر. اونینگ ایتیشیچه، قندوز طالبلری بیلن اوتکزیلگن تینچلیک سوزلشوولری نتیجه بیرگن ایدی. بیراق افغان هوا کوچلری تامانیدن اویوشتیریلگن هجوم آنلشمه گه سون قویدی.
.jpg)
بوگون «چهارشنبه» تینچ اهالی‌نی قوریش و دادخواه‌لیک گروهی بیر ییغین اوتکزیب، حکومت‌دن عملیات جریانیده تینچ اهالی گه دقت قیلیشی نی سوره‌گن. مذکور گروه، بیرلشگن ملت‌لرتشکیلاتی و خلق ارا جماعه چیلیگی‌دن تینچ اهالی قربان بولمه‌سی اوچون اوروش تامانلر اوستیگه باسقین کیریتیشلرینی طلب قیلگن.
حکومت رسمی‌لری‌نینگ ایتیشیچه، افغان هوا کوچلری‌نینگ هجوملری نتیجه‌سیده طالبان گروهی‌نینگ ییریک رسمی‌لریدن 18 کیشی هلاک و باشقه 12 کیشی یره‌لنگن. بیراق، ترقه‌تیلگن گزارشلر تینچ اهالی قربانلیگی کوپ بولگنینی بیلدیره‌دی.
