قندوز ولایتی خاص امنیتی کوچلر رسمی‌لری‌نینگ ایتیشیچه، مذکور ولایت‌ده یولگه قویگن کیچه‌لیک عملیات‌لر نتیجه‌سیده طالب‌لرنینگ مرکزیدن حربی نقشه‌لر قولگه کیریتیلگن. مملکت شمال‌شرقی‌ده خاص امنیتی کوچلر سوزلاوچیسی جاوید سلیم‌نینگ ایتیشیچه، دشت‌ارچی تومنی‌ده یولگه قوییلگن عملیات نتیجه‌سیده 10 پایه لپ‌تاپ بیلگی‌سیار و اوشبو حربی نشقه‌لر قولگه کیلگن.
ایتیلیشیچه، اوشبو عملیات‌ده جنگری طالب‌لردن 17 ته‌سی هم هلاک ایتیلگن.
خاص امنیتی کوچلر سوزلاوچیسی‌نینگ ایتیشیچه، قورال‌لی طالب‌لرنینگ آلدیدن، اولر قولگه کیریتگن عصری اسکونه‌لر و حربی جهازلرگه قره‌گنده، طالب‌لر، قندوز ولایتی‌نینگ نظارت‌گه آلیش اوچون کته لایحه‌لرنی قولگه آلگن‌لر.
قندوز ولایتی‌ده حربی ایش بیلرمان دگروال ظاهر، حربی نقشه‌لرنی اینگ مهم و سِرلی حربی حجت‌لردن بیلیب ایتیشیچه، بو نقشه‌لرنی یالغیز بیر مملکت‌نینگ حربی‌سی توزه‌ته‌آله‌دی و بوندن معلوم بوله‌دی کیم، بو نقشه‌لر قوشنی مملکت‌لر تامانیدن قورال‌لی طالب‌لرگه تاپشیریلگن.
قندوز امنیتی رسمی‌لری‌نینگ ایتیشیچه، اوتگن 17 کون‌ده قندوز ولایتی‌ده خاص امنیتی کوچلر تامانیدن یولگه قوییلگن عملیات‌لر دوامی‌ده، طالب‌لرنینگ 6 قورال انباری و 21 رنجر و هاموی تانکی نابود ایتیلگن و شونینگ‌دیک، اوشبو گروه‌نینگ 81 اعضاسی هلاک ایتیلگن و باشقه 91 اعضاسی قولگه آلینگن.
مملکت شمال‌شرقی‌ده خاص امنیتی کوچلرنینگ سوزلاوچیسی، خاص امنیتی کوچلرنینگ کیچه‌لیک عملیات‌لری دوامی اوستیگه تأکیدلب ایتیشیچه، بو عملیات‌لر تشقی کوچلر هوایی یاردمی بیلن قندوزده‌گی طالب‌لرنینگ برچه مرکزلری نابود ایتیلگونگه‌قدر دوام ایتیشی ممکن.
