.jpg)
قندوز ولایتیده کیسکین حمایه‌وی کوچلر همکارلیگی‌ده امنیتی کوچلرنینگ هوایی هجوملری نتیجه‌سیده 3 کیشی یره‌لنیب و بیر مکتب ویران ایتیلگن. قندوز محلی مسؤول‌لری‌نینگ ایتیشیچه، اوشبو واقعه بوگون ایرته‌لب ساعت 4 اطرافیده یوز بیرگن.
سلام‌وطندار بیلن صحبت اوتکزگن قندوز شهری معارف مدیری جنت‌گل ناصری‌نینگ ایتیشیچه، اوشبو ولایت‌ده کیسکین حمایه‌وی کوچلر و افغان امنیتی کوچلرنینگ قوشمه هوایی هجوملریده خان‌آباد بندریده جایلشگن خواجه مشهد اوغیل‌لر مکتبی هدف قرار بیریلگن. اونگه کوره، بو واقعه‌ده محل یشاوچیلریدن 3 کیشی یره‌لنگن و مذکور مکتب شامل ایریم اویلر و دوکانلر هم بوزیلگن.
.jpg)
بیراق، مملکت شمال‌شرقی‌ده پولیس کوچلری سوزلاوچیسی محفوظ‌الله اکبری‌نینگ ایتیشیچه، بو هجوم‌ده 1 کیشی یره‌لنگن. جناب اکبری‌نینگ ایتیشیچه، احتمال بو مکتب بیلمس‌دن هدف‌گه آلینگن، لیکن بو توغریده تیکشیروولر باشلنگن.
شمال‌شرق پولیسی سوزلاوچیسی‌گه کوره، بوگون ایرته‌لب بامداد چاغی قندوز شهری‌نینگ شمالی‌ده کیسکین حمایه‌وی کوچلر همکارلیگی‌ده مملکت هوایی کوچلری طالب‌لرگه قرشی حربی عملیات باشله‌گن‌لر.
باشقه بیر تاماندن، قندوز برقی باشلیغی حمیدالله نینگ ایتیشیچه، قندوز مرکزی‌نینگ شمال‌شرقی‌ده جایلشگن اورته بلاقی‌لر قیشلاقی‌ده هوایی هجوم‌لر نتیجه‌سیده تاجیکستاندن کابل‌گه کیله‌دیگن برق پایه‌لری ییقیلگن و بیر سیمی هم کیسیلگن.
