قندوز ولایتی‌نینگ دشت‌ارچی تومنی دفتانی قیشلاغیده بیر مسجد اوستیگه چیت ایللیک کوچلر تامانیدن اویوشتیریلگن هوایی هجوم نتیجه‌سیده، 100 دن آرتیق کیشی هلاک و باشقه کمیده 200 کیشی یره‌لنگن.
سلام‌وطندارگه صحبت بیرگن دشت‌ارچی ولسوالی نصرالدین سعدی‌نینگ ایتیشیچه، اوشبو هجوم بوگون توش ساعت 12 اطرافیده اویوشتیریلگن و تلفات رقمی زمان اوتیشی بیلن آشه‌دی.
جناب سعدی گه کوره، بو هجوم مسجد ده قرآنکریم حافظ‌لری‌نینگ دستاربندلیک مراسمی یولگه قوییلگن بیرچاغده یوز بیرگن.
دشت‌ارچی ولسوالی‌نینگ ایتیشیچه، هلاک ایتیلگن‌لرگه جنگری طالب‌لر هم شامل دیر.
اوشبو هجوم‌نی تصدیق‌لگن دشت‌ارچی پولیس قومندانی نیازمحمد عمرخیل‌نینگ اییتشیچه، چیت ایللیک کوچلر نیچه کون آلدین بو هجوم‌نی ریجه‌لشتیرگن و بو مراسم ده جنگری طالب‌لر توپلنگنی باعث، هجوم اویوشتیرگن.
عین حالده، قندوز پولیس قومندانی حمیدالله حمیدی‌نینگ ایتیشیچه، هلاک ایتیلگن‌لرگه عیاللر و باله‌لر هم شامل دیر.
قوراللی طالب‌لر حاضرگچه بو توغریده هیچ نرسه دیمه‌گن.
