.jpg)
تورت کون آلدین، قندوز ولایتی‌نینگ دشت‌ارچی تومنی تفتانی قیشلاغیده آخندزاده مدرسه‌سی هوا دن نشانگه آلیندی. واقعه یوز بیرگنی ده دستلب محلی رسمیلر بو هجومنی چیت ایللیک کوچلرگه نسبت بیردی، بیراق بیر مدتدن سونگ، امنیتی رسمیلر هجوم مسؤولیتی نی بوینیگه آلیب و بو واقعه‌ده قوراللی طالب‌لرنینگ ییریک رسمی‌لری نشانگه آلینگنینی بیلدیردی.
حاضر حکومت ییریک منبع‌لریدن بیری آتی فاش ایتیلیشی‌نی ایستمه‌ی ایتیشیچه، بو هجوم اوتگن 10 ییل‌ده تکرارسیز ایدی و امریکا کوچلری اونی عمل گه آشیرگن. منبع نینگ ایتیشیچه، بو هجوم طالبان گروهی‌نینگ ییریک رسمی‌لری ییغین یولگه قویگن بیرچاغده دقت بیلن عمل گه آشیریلگن.
منبع گه کوره، نشانگه آلینگن مدرسه عصیانچیلر تربیه بوله دیگن مرکزلردن بیری ایدی و تینچ اهالی آتی گه گزارش بیریلگن قربانلیک‌لر قوراللی طالب‌لرنینگ اعضالری بولگن.
بیراق، افغانستانده امریکا حربی کوچلری سوزلاوچیسی کول لیسا گارسیا، قندوز عملیاتی ده مذکور مملکت کوچلری‌نینگ اره‌لشگنینی رد قیلیب ایتیشیچه، قندوز ده اویوشتیریلگن هجوم ده امریکا حربی‌لری اره‌لشمه‌گن.
سلام‌وطندارگه صحبت بیرگن حربی کوچلر 20- واحد قومندانی جنرال مراتضانینگ ایتیشیچه، قوراللی طالبلر بوندن آلدین هم مذهبی مراسم لرنی بهانه قیلیب ییغین‌لرینی اوتکزه‌دی ایکن. شونینگدیک، او بو هجوم ده امریکا کوچلری نینگ اره لشگنینی رد قیلیب ایتیشیچه، افغانستان حربی سی بو هجومنی ریجه لب و عمل گه آشیرگن.
.jpg)
تفتانی قیشلاغی دشت‌ارچی تومنی‌نینگ مرکزینی جنوب غربی ده شهر مرکزی نینگ کمیده 4 کیلیو مترلیگی ده جایلشگن.
سونگی پیت‌لرده قوراللی طالبلر محل اهالیسی همکارلیگی‌ده تفتانی قیشلاغیده شهرچه قورگن و یشاوچیلرنینگ نیازلری مذکور گروه نینگ نظارتی ده بولگن بازاردن حل ایتیله‌دی؛ آخندزاده مدرسه‌سی مذکور بازارنی بیر کیلومترلیگی ده دیر. تفتانی 9 ییل دن بویان طالب‌لرنینگ نظارتی ده و مذکور قیشلاق بازاری قندوز ده طالبان گروهی اوچون درامد منبعی سنله‌دی.
تفتانی قیشلاغی‌نینگ یشاوچیلریدن بیری اجمل‌نینگ سلام‌وطندارگه ایتیشیچه، ایریم پیت‌لر اوزبیکستانلیک‌لر و تاجیکستانلیک‌لر شامل چیت ایللیک فقرالر بو قیشلاققه کیلیب کیته‌دیلر، «اوشبو محل گه قوشیله‌دیگن یولده طالبلر تامانیدن ماین ییرلشتیریلگن و اهالی فرعی یوللردن کیلیب و کیته‌دیلر.»
آخندزاده مدرسه‌سی اوستیگه اویوشتیریلگن هجوم کوپینچه عکس‌العمل‌لرگه روپه ره بولدی. قطار کیشیلر بو واقعه‌نی تینچ اهالی قربانلیگی اوچون قاره‌لگن‌لر. بیراق، باشقه بیرقطارلرنینگ ایشانچی گه کوره، بو هجوم افغانستانده تکرارسیز بولگن و امنیتی کوچلردن حمایت قیلینیشی کیره‌ک.
.jpg)
حربی ایش‌بیلرمان جاوید کوهستانی‌نینگ تینچ اهالی تلفاتی خصوصیده ایتیشیچه، هجوم جزئیاتی‌گه قره‌گنده، دستاربندلیک مراسمی نشانگه آلینمه‌گن. احتمال بیلن باله‌لر اهالی تامانیدن سراسیمه بولگنی باعث ضرر کورگن. کوهستانی‌گه کوره، طالبان گروهی روانی اورش ارزشینی بیله‌دی تینج‌اهالی تلفاتی خصوصیده امنیتی‌کوچ‌لردن تنیقد ایته‌دیگن‌لر حقیقت‌ده طالبلرمنفعتی‌گه ایش له‌یدی‌لر.
بیراق حربی ایش بیلرمانلردن باشقه بیری عتیق الله امرخیل فرقلی فکر بیلن کوره‌دی. جناب امرخیل مذهبی مکان‌نی نشانگه آلیش"عاقبتی نی اویله‌مس دن ایش قیلیش دیب ایتیشیچه، شونگه اوخشه‌گن هجوم حکومت نینگ طالبان گروهی بیلن بولگن تینچلیک پروسه سی نی خطر بیلن روپه‌ره قیله‌د.
طالبلر اوشبو هجوم‌گه واکنش کورسه‌تیب و مذکور هجوم ده تینچ اهالی نشانگه آلینگن و قربان بولگن‌لر تینچ اهالی دیب ایتکن.
عین حالده حکومت و نماینده‌لر کینگشی مذکور هجوم تیکشیریلیشی خصوصیده، ایری هیات تعیین قیلگن‌لر.
امنیتی مقام‌لرنینگ ایتیشیچه، آخندزاده مدرسه‌سیده یوز بیرگن هجوم نتیجه سیده طالبان گروهی نینگ ییریک رسمی لریدن 18 ته سی هلاک و باشقه 12 ته سی یره‌لنگن. بیراق محلی رسمیلر 100 کیشی هلاک و 200 کیشی یره‌لنگن دییدیلر.
