طالب‌لرنینگ قندوزده اویوشتیرگن هجومی‌ده تورمه‌خانه ده‌گی قاچگن زندانیلردن 20 گه یقینی، اوتگن کون (پنجشنبه) اوز ایسته‌کلری بیلن قیته کیلگنلر. قندوز تورمه باشلیغی محمداسلم کوهستانی نینگ سلام‌وطندارگه ایتیشیچه، بو تورمه‌دن قاچگن زندانیلر قیته کیلیش‌لری کوپه‌یشی ممکن.
جناب کوهستانی نینگ ایتیشیچه، بوکیشی‌لر جنایی مجرم و طالب‌لر عایله‌سیدن قوشیمچه بولیب حبس مدتلری 3 ییلگه قدر قالگن ایکن، قیتیب کیلگنلر.
بیر آی آلدین طالب‌لر قندوز شهریده هجوم ایلتیش‌لری بیلن 3 کونگه قدر شهرنی اوز تصرفلریگه آلیشگه موفق بولگن ایدیلر و شو پیتده ولایت مرکزیده‌گی زندانیلرنی بوتونلی قویباریب یوباردیلر.
طالب‌لرهجومیدن آلدین بوتورمه‌ده 630 زندانی بار ایدی، بولردن 30 ته‌سی ایریم جرم‌لر جمله‌دن عصیانچیلر ترماغی بیلن علاقه آلیش، اولدیریش و اوغیرلش عیبی بیلن توتیلگن عیاللر ایدی.
اولکه شمالی ولایتلریده طالب‌لر هجومی کوپه‌یشی بیلن قماق‌خانه ده‌گی زندانیلر قاچیریشگه کوپراق اولگوره‌دیلر. عین حالده نیچه پیت آلدین ایچکی ایشلر وزیرلیگی طالب‌لرنینگ تورمه خانه‌لرده هجوم قیلیب زندانیلرنی قویب یوباریشلرینی مذکور گروه اصلی هدف‌لریدن دیگن ایدی و مذکور وزیرلیک بیرییلدن بویان طالب‌لرگه تیگیشلی زندانیلرنی نامعلوم ییرده انتقال بیرگن.
