بغلان ولایتی نینگ بیر قنچه یشاووچیلری و بغلان – قندوز عمومی یولی نینگ یولاووچیسی مذکور عمومی یولیده خوفسیزلیک وضعیت یامانلشگن لیگی توغریسیده خواطر بیلدیرگنلر.
کیچ قرانغو توشیشی بیلن بو یول امنیتی بوزیلیب کیشی اوتیش – قیتیش اوچون جرئت قیلمیدی دیگن یولاووچیلر. اولر، سونگی اون کون ایچیده مذکور یولده نیچه مرته قوراللی اوغیرلیک یوز بیرگن دیگنلر.
قندوز – بغلان عمومی یولی نینگ قتنای دیگن هیداوچی عبدالله نینگ سلام‌وطندارگه ایتیشیچه، کیچه تاماندن بو عمومی یول امنیتی بوزیله‌دی. نامعلوم قوراللی شخصلر مرکزی ولسواللیگی نینگ جرخشک و چهارشنبه یولیگه چیقیب یولاووچیلرنی بار یوقلرینی تاراج تالان قیله‌دیلر دیدی یولاووچیلر.
باشقه بیر یولاووچی زبیرنینگ سوزلریگه کوره، او دایم بو یولدن اوتیب قیته دیگنلر مذکور یولده بار – بار قوراللی اوغیرلیک گواهی بولگن. لیکن، بغلان امنیتی مسووللری مساله‌گه اعتبار بیرمه‌گنلر دیگن.
خبرنی تصدیق ایتگن بغلان پولیس قوماندانی نور حبیب گلبهار، بیر قنچه قوراللی نا معلوم شخصلر انده –سنده بو یولگه چیقیب اوغیرلیککه قول اوره دیلر دیگن. قوماندان، وضعیت اونچه‌لیک خواطرلی ایمس دیگن.
قوماندان، یولاووچیلر امنیتی تامین بولیشی اوچون یول آقیمیده خوفسیزلیک پوسته‌لر تاسیس بولگن دیگن. قوراللی طالبلر هر دایم بو یول امنیتنی بوزیش اوچون سعی وحرکت قیله دیلر دیگن جناب گلبهار.
مرکزی بغلان نینگ چهارنشبه تپه، گرداب و جرخشک تومنلری قندوز – بغلان اره‌لیغیده جایلشگن نا تینچ منطقه‌لردن حسابلنه‌دی. یولاووچیلر بو یولده دایم قوراللی اوغیرلیک گواهی بولیب کیله‌دیلر. اینگ سونگی موردلر قوراللی شخصلر هوتللردن بیریگه کیریب آلیب 130یولاووچی گروگان آلیب بار یوقلرینی تالان قیلگن ایدی.
