بغلان ولایتیدن بولگن ایشانچ‌لی امنیتی بیر منبع، پولیس گه تیگیشلی ایکی موتر ییگولیک ماده طالبان گروهی تامانیدن اوغیرلنگنیدن خبر بیره‌دی.
اوشبو امنیتی منبع آتی فاش ایتیلیشی‌نی ایستمه‌ی سلام‌وطندارگه ایتیشیچه، اوتگن شنبه، 7- سرطان، طالبان گروهی نهرین و بُرکه تومن‌لری نینگ پولیسی گه ییگولیک ماده انتقال بیره‌دیگن ایکی موترنی بغلان-قندوز قتناو یولیدن اوزلری بیلن آلیب کیتگن.
مذکور منبع گه کوره، طالبان گروهی پولیس نینگ ییگولیک ماده‌سی یوکلنگن موترلرنی پلخمری شهری نینگ آلیتنچی ناحیه‌سیده جایلشگن امنیتی کوچلرنینگ بیر پوسته‌سینی یقینیدن اوغیرلب و هیداوچی‌لری بیلن بیرگه دندشهاب‌الدین گه انتقال بیرگن.
نهرین و بُرکه تومن‌لریده طالبان گروهی دولتی کوچلر بیلن اوروشماقده دیر و دولتی کوچلر ییگولیک آذیق-آوقت و مهمات کم‌لیگی گه روپه‌ره بولگن.
امنیتی منبع نینگ کوپه‌یتیریشیچه، اوشبو ییگولیک ماده یوکلنگن موترلر کمیده 300 پولیس گه اون، برنج، یاغ و بوره شامل بیر آیلیک اعاشه انتقال بیرر ایکن.
طالبان گروهی حاضرگه‌قدر بو توغریده هیچ نرسه دیمه‌گن.
بیراق، بغلان پولیس قومندانی ویس صمیمی بو خبرنی رد قیلیب ایتیشیچه، پولیس کوچلری نینگ بوتون اکمالاتی حربی نقلیه و قطارلر بیلن انتقال بیریله‌دی.
ایتیش کیره‌ک کیم، طالبان گروهی نیچه کوندن بویان بغلان-قندوز، بغلان-بلخ و بغلان-کابل قتناو یوللریده نیچه چیک‌پاینت قوریب هجوملرینی شدتلنتیرگن.
