قندوز ولایتی‌نینگ محلی امنیتی مسوول‌لری ولایت نینگ قلعه‌زال تومنی قیته‌دن قوراللی طالب‌لر تصروفیدن آلینگنی باره‌سیده خبر بیرگن‌لر. پامیر20 فرقه‌نینگ بیرینچی لوا قوماندانی راحت منگل، تومن‌نینگ مرکزی بوگون (پنج‌شبنه) ایرتلب جنگری طالب‌لر اشغالی‌دن آزاد ایتگن لیگی‌نی ایتگن. لیکن، هنوز هم جنگری طالب‌لر ولایت‌نینگ بیر قنچه قیشلاقلریده بارلیگی ایتیله‌دی.
عین حالده، قندوز پولیس قوماندانی محمد فسیم جنگل باغ‌نینگ سوزلریگه کوره، قلعه‌زال تومنی سقوط قیلمه‌گن و حاضر ایسه تومن بوتونلی افغان ملی کوچلری اداره‌سیده.
اونینگ ایتیشیچه، اوتگن کیچه یوز بیرگن اوروش جریانی‌ده تومن امنیه قوماندانی صفی‌الله امیری تورت کیشی تن قوریقچی‌سی بیلن تن جراحت آلگن.
شونینگ‌دیک قندوز امنیه قوماندانی هنوزگه قلته‌زال اوروشی‌ده هوادن هجوم اوتکزیلمه‌گن دیدی. قوماندان، قلعه‌زال تومنیده‌گی اوروش‌ده هوا دن عملیات اوتکزیلیشی‌گه احیتاج بار دیگن.
اوروش چیزیغی‌دن قیتگن حربی عسکر نواب‌خان نینگ سلام‌وطندارگه ایتیشیچه، هنوز هم قلعه‌زال تومنی‌نینگ یریمی جنگری طالب‌لر تصرفیده.
او سوزلریگه کوره، قوراللی طالب‌لرگه قرشی مقاومت قیلگن‌لر، لیکن ولایت مرکزیدن قورال اسلحه ییتمه‌گن لیگی باعث آرت‌گه چیکینگن‌لر.
بوندن تورت کون آلدین قلعه زال تومنیده باشلنگن اوروش نهایت ده اوتگن کیچه بو تومن جنگریلر اشغالیگه اوتگن ایدی.
