قندوز ولایتیده طالب‌لر نظارت‌لریده بولگن منطقه‌لردن عشر و زکات و برق پولی‌نی توپله‌گن‌لریدن سونگ، حاضر مذکور ولایت‌نینگ رواجلنتیریش پروژه‌لردن باج آله‌دیلر.
سلام‌وطندارگه صحبت بیرگن قندوز ولایتی کینگش اعضاسی امرالدین ولی‌نینگ ایتیشیچه، محلی حکومت‌نینگ کوچسیزلیگی باعث، طالب‌لر رواجلنتیریش پروژه‌لردن باج آلیش‌گه باشله‌گن.
اونگه کوره، قوراللی طالب‌لر آلگن باجلری بیلن جنگریلرینی جهازله‌یدی.
قالین توقووچی‌لر شهرچه‌سینی قوریش‌گه مسؤول قوریلیش شرکت ایشلاوچیسی محمدنعیم جلالی‌نینگ ایتیشیچه، ایشلاوچی‌لری طالب‌لر تامانیدن اوغیرلنگنیدن سونگ، مذکور شهرچه‌نی ایشی توخته‌تیلگن.
اونگه کوره، قندوز ده وضعیت شونده‌ی بیر شکلده دوام قیلگن صورتده، بو ولایتده هیچ بیر قوریلیش شرکت ایشلمه‌یدی.
شو توغریده…
جوزجان‌نینگ مردیان تومنیده اوقیتووچیلردن طالب‌لر باج آله‌دی
قندوز حاکمی‌نی سوزلاوچیسی عصمت‌الله مرادی‌نینگ ایتیشیچه، اوشبو ولایتده رواجلنتیریش پروژه‌لر عملی ایتیلیشی‌گه توسیق بولگن گروهلر بیلن محلی اداره قانونی یانده‌شه‌دی.
قندوز ولایتیده‌گی طالب‌لر برق پولی‌نی توپلش‌لرینی تصدیق‌لیدی؛ بیراق رواجلنتیریش پروژه‌لردن باج آلیش‌لری توغریسیده هیچ نرسه دیمه‌یدی.
ایتیلیشیچه، قندوز ولایتی‌نینگ 9 تومنیدن 3 تومنی طالب‌لرنینگ نظارتی‌ده دیر و شونینگدیک، رواجلنتیریش پروژه‌لردن کوپینچه‌سی مذکور منطقه‌لرده عملی بوله‌دی.
