قندوز ولایتی خان‌آباد تومنی نینگ ده‌ویران قیشلاقیده کیچه یریمیده 6 کیشی اوخلب یاتگن جاییده اولدیریلیش قضیه‌سی ولایت یشاوچیلرینی اعتراض قیلیب یوللرگه چیقارتیردی. جسدلرنی اوزلری بیلن آلیب کیلگن یشاوچیلرنینگ ایتیشیچه، بو آلتی کیشی ناقانونی قورالی شخصلر تامانیدن آتیب اولدیریلگن.
اعتراضچی‌لر اولدیریلگنلر حربی کوچلر بولگن‌لیگینی معلوم قیلیب ایتیشلریچه، بیرمهمان‌خانه‌ده اولدیریلگنلر. اعتراضچی‌لر محلی رسمی‌لردن قضیه عامل‌لری توتیلیشینی سوره‌گنلر.
خان‌آباد تومنی باشلیغی حیات‌الله امیری نینگ سلام‌وطندارگه ایتیشیچه، حادثه شخصی خصومت‌لردن کیلیب چیقه‌دی. جناب امیریگه کوره، اولدیریلگن‌لردن ایکیته‌سی حربی بولگن.
شمال‌شرق پولیس سوزلاوچیسی محفوظ‌الله اکبری نینگ ایتیشیچه، اوتگن کیچه ساعت 12 اطرافیده 5 ناقانونی قورالی و بیر تینچ اهالی ناتانیش قورالی‌لر تامانیدن آتیب اولدیریلگن و باشقه بیرکیشی هم یره‌لنگن.
اونینگ ایتیشیچه، بوباره‌ده پولیس تیرگاوی باشلنگن.
خان‌آباد قندوزنینگ شرق تامانیده جایلشگن تومنلریدن بولیب، ایتیلیشیچه، مذکور تومنده مینگدن آشه ناقانونی قورالی شخصلر فعالیت قیله‌دی.
