قندوز محلی رسمیلری نینگ ایتیشیچه، بوندن تورت کون آلدین طالبلر 23 کیشی‌نی داعش جنگریلریگه یاردم بیریش عیبیده قولگه آلگن ایدی، اوتگن کون بوگروه 3 ته‌سینی آتیب اولدیرگن.
دشت‌ارچی تومنی باشلیغی نصیرالدین سعدی نینگ سلام‌وطندارگه ایتیشیچه، طالبلر بونفرلرنی تومن ملاقولی منطقه‌سیدن داعش گه یاردم بیریش عیبی بیلن توتیب اوزلری بیلن بیرگه آلیب کیتگن.
اسارتگه آلینگنلر قالگنی حاضر هم طالبلر آلدیده سقله‌نیب کیلماقده.
قندوز ولایتی کینگش باشلیغی امرالدین ولی نینگ ایتیشیچه، ولایتده داعش جنگریلری فعالیت قیلیش میش- میشی ایشیتیلردی، بیراق حاضرگه قدر حکومت اولرنی نابود قیلیشگه جدی حرکت قیلمه‌گن. قندوز ولایتی کینگش باشلیغی‌گه کوره، اوتگن کون طالبلر قولگه آلینگنلردن بیری نینگ باشینی آلگن.
حاضرگه قدر قولگه آلینگنلر و اولدیریلگنلر کیملیگی انیقلنمه‌گن.
قندوز محلی رسمیلری قولگه آلینگنلر کیملیگی باره‌سیده بیرنرسه دیمیدی، بیراق یشاوچیلرگه کوره، قولگه آلینگلر طالبلرنینگ سابق اعضالری ایکن.
دشت‌ارچی تومنی یشاوچیلریدن بیری نینگ سلام‌وطندارگه اسمی سیرسقلنیش شرطی بیلن ایتیشیچه، طالبلر سابق قومندانلریدن عبدالعظیم ایوبی اوتگن کون اوشبو گروه تامانیدن دفتانی بازاریده باشی کیسیلگن.
پامیر 20- فرقه‌سی خبرنامه ترقه‌تیب، بو اولدیریلگنلردن ایکیته‌سی طالبلرنینگ دشت‌ارچی و چهاردره تومنلریده ناملنگن اولوسوالی داکتر حسن نینگ قرینداشلریدن ایکن.
اما طالبلر سلام‌وطندارگه حادثه‌نی تأیید یا رد قیلمه‌دی.
