قندوز شمالی قیشلاقلری‌نینگ یشاوچی‌لری منطقه‌لریده قوراللی طالب‌لرگه قرشی حربی عملیات باشلنگن‌دن بیری اوز ییش اوی جایلرینی ترک قیلیش‌گه مجبور بولگن‌لر. اهالی عملیات نینگ سُست‌لیگی همده آلغه سیلجیمس‌لیگی اوچون شکایت‌ده‌لر.
«تندر» ناملی مذکور حربی تازه‌لش عملیات بوندن اون کون آلدین افغان ملی کوچلری تامانیدن باشلنگن ایدی.
اهالی، 1500گه یقین خانه اون کون‌دن بیری ولایت‌نینگ 22 قیشلاغی‌دن آواره بولگن لیگی‌نی ادعا قیلگن لر. آواره بولگن‌لر قندوز بیلیم یورتی‌نینگ ینگی‌دن قوریلگن دشت آبادان‌ده‌گی بناسی‌گه باش پنه ایزله‌گن‌لیکلری ایتیله‌دی.
اما، محلی رسمی‌لر آواره بولگن خانه دانلرنینگ سانی 800 کیشی دیگن‌لر.
مملکت شمال شرقیده‌گی پامیر20 فرقه‌سی بوندن تورت کون آلدین رزخرید، عرب‌ها، اتمان‌زی، اندرابی و اوزبیک‌ها قیشلاقلرینی قوراللی طالب‌لردن تازه‌لش نیتیده «تندر» حربی عملیات باشله‌گن‌لر. لیکن، عملیات جریانی‌ده منطقه‌نینگ یوزلب خانه‌دانی اوز یشش اوی جایلرینی ترک قیلگن‌لر. شونینگ‌دیک ایتیلیشیچه، منطقه هنوز هم قوراللی طالب‌لر تامانیدن اداره ایتیله‌دی.
اوزینی 22 قیشلاق نینگ نماینده‌سی دیب تانیشتیرگن دکتر میرمحمد گه کوره، افغان ملی کوچلری نینگ حربی عملیاتی جوده سُستلیک بیلن ایلگری آلیب باریله‌دی. حتی ملی کوچلر هنوز هم بیر قدم ایلگری سیلجیلمه‌گن‌لر.
عرب‌ها قیشلاغی نینگ یشاووچی‌سی اسدالله نینگ سوزلریگه، عملیات باشلنگن‌دن بیری هنوزگچه هیچ قنده‌ی الغه سیلجیش یوق، ملی کوچلر جاده‌نینگ باشی‌دن دولت مخالف‌لریگه قرشی اوق اوزه دی و اهالی اوی جایی‌نی نشان‌گه آله‌دی.
اهالی سوزلرینی تصدیق له‌گن قندوز ولایتی‌نینگ پارلمانده‌گی وکیلی خانم فاطمه عزیزگه کوره، عملیات شونده‌ی لیگی بیلن دوام ایتگن حالده، اوز یشش اوی جایلرینی ترک قیله دیگن‌لر سانی آشیشی ممکن.
قندوز امینه قوماندانی جنرال محمدقسیم جنگل باغ‌نینگ سوزلریگه قره‌گنده، تینچ اهالی تلفاتی آلدی آلینیشی عملیات سُست لشگن‌لیگی اوچون بیرینچی عامل حسابلنه‌دی.
قوراللی طالب‌لرنینگ قندوزده ییریک نفوذی بارلیگی تاکیدلنه‌دی. اوتگن ییل مذکور گروه میزان آییده قندوز مرکزینی اوچ کون اوز تصرفی‌گه آلیب، اهالی قوشیمچه دولت‌گه ییریک ضربه بیرگن ایدی.
