اعتبارلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بوگون "پنجشنبه" بامداد چاغیده چیگره کوچلری اعضاسی بولگن بیرعیال طالبان تامانیدن اوققه توتیلگن.
اوشبو واقعه قندوز شهری نینگ 3- امنیتی حوزه‌سیگه تیگیشلی بولگن سرآسیاب ساحه‌سیده یوز بیرگن.
منبع نینگ ایتیشیچه، طالبان بیرقطار جنگریلری مذکور عیال نینگ اویگه کیریب اوشبو عیال‌نی اوققه توتگن.
منبع نینگ کوپه‌یتیریشیچه، اولدیریلگن عیال نینگ نامی چینی‌گل ایکن و 12 ییلدن بویان امنیتی کوچلر قطاریده فعالیت قیله‌ریکن.
قندوز پولیس قومندانلیگی سوزلاوچیسی هجرت‌الله اکبری نینگ بو واقعه‌نی تصدیق‌لب ایتیشیچه، طالبان جنگریلری بو عیال‌نی فاجعه‌لی شکلده اولدیرگن.
قندوز پولیس قومندانلیگی سوزلاوچیسی نینگ کوپه‌یتیریشیچه، طالبان جنگریلری اوتگن کونی اوشبو ولایت نینگ علی‌آباد تومنیده بیر موترگه قرشی اوق آتگن و نتیجه‌ده بیر پولیس هلاک و باشقه بیر تینچ اهالی یره‌لنگن.
طالبان گروهی حاضرگه‌قدر بوتوغریده صحبت قیلمه‌گن.
