قندوز- تخار قتناو یولیده بولگن ناتینچلیک و آتیشمه‌لر نیچه مدت دوام قیلگنی‌دن سونگ، بوگون "شنبه" ایرته‌لب ساعت 3 اطرافیده، ملرغی، دکان آدم‌خان، خواجه‌پسته، چهارسری مکتبی منطقه‌لریده جایلشگن ملی اردو کوچلری پوسته‌لرینی ترک قیلیب خان‌آباد تومنی‌گه جایلشگن.
قندوز ولایتی کینگش اعضالری نینگ ایتیش‌لریچه، قندوز – تخار قتناو یولیده جایلشگن ملی اردو کوچلری 10 کوندن بویان طالبان تامانیدن قمراوگه آلینگن ایدی.
قندوز ولایتی کینگش اعضالریدن بولمیش امرالدین ولی و غلام ربانی نینگ سلام‌وطندارگه ایتیش‌لریچه، مذکور پوسته‌لرده جایلشگن حربی کوچلرگه، یاردم یوباریلمه‌گنی سبب، پوسته‌لرینی ترک قیلیب اوشبو ولایت نینگ خان‌آباد تومنیده جایلشگنلر.
قندوز ولایتی کینگش اعضالری، اوشبو ولایت محلی حکومتی و ملی اردو مسوول‌لری نینگ برنامه‌سیزلیک و ایش‌سیزلیگی دن تنقید قیلیب و وضعیت بونده‌ی دوام قیلگن صورتده، قندوز شهری نینگ طالبان قولیگه سقوط قیلیشی ممکن‌لیگی‌نی بیلدیرگن‌لر.
عین‌حالده، قندوز حاکمی سوزلاوچیسی عصمت‌الله مرادی نینگ ایتیشیچه، تینچ اهالی زیان کورمس‌لیگی سبب، ملی اردو کوچلری پوسته‌لرینی ترک قیلیب اوشبو ولایت نینگ خان‌آباد تومنیده جایلشگن.
بوتوغریده 217 پامیر قول اردو قومندانلیگی فکرینی آلیش اوچون سعی و حرکت قیلدیک، بیراق موفق بولمه‌دیک.
