قندوز ولایتیدن محلی منبع‌لرنینگ ایتیش‌لریچه، اوشبو ولایت نینگ دشت‌ارچی تومنیده طالبان هجومی عاقبتیده، امنیتی کوچلردن 8 ته‌سی هلاک ایتیلگن.
امنیتی منبع‌لردن بیری نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگری‌لری اوتگن کیچه ساعت 8 اطرافیده دشت‌ارچی تومنی نینگ «خواجه‌غار بندری» و «قندوز بندری» ده جایلشگن محلی پولیس پوسته‌لری اوستیگه هجوم قیلگن.
منبع نینگ کوپه‌یتیریشیچه، امنیتی کوچلر و طالبان آره‌سیده یوز بیرگن آتیشمه عاقبتیده، قطار دکان‌لر اوت آلگن.
قندوز پولیس قومندانلیگی سوزلاوچیسی عصمت‌الله مرادی نینگ بو خبرنی تصدیق‌لب ایتیشیچه، مذکور واقعه‌ده طالبان جنگری‌لری هم تلفات کورگن.
قطر باشکنتی دوحه ده افغانستان دولتی و طالبان گروهی آره‌سیده تینچلیک سوزلشوولر باشلنگنیدن سونگ، قندوز ولایتی طالبان جنگری‌لری نینگ کینگ هجوم‌لریگه گواه بولگن.
