قندهار ولایتیده قوراللی شخص‌لرنینگ امنیتی پوسته‌لرگه قیلگن هجومی نتیجه سیده بیر عیال قربان بولیب، ییتی عسکر یره‌لندی.
قندهار ولایت والیسی نینگ سوزلاووچیسی صمیم خپلواک‌نینگ ایتیشیچه، کیچه ساعت 8 ده ایکّی کیشی انتحارچی ولایتده‌گی معلم تربیه‌لش موسسه‌سی نینگ بناسی‌گه کیریب آلیب، اوشبو بنانینگ یقینده جایلیشگن نیچه حربی پوسته‌نی هجوم آستیگه آلگن‌لر.
خپلواک، هجوم هنوز هم دوامی بارلیگی نی ایتگن. اونگه کوره، محل گوجوم بولگن‌لیگی باعث پولیس احتیاط‌‌‌‌‌‌‌‌‌‌‌دن ایش آلیش‌گه حرکت قیلگن.
محلده‌گی عینی گواه‌لرگه کوره، منطقه پولیس کوچلری تامانیدن قورشاووگه آلینگن و اهالی ایسه یشش اویلرینی ترک قیلگن.
هجوم مسوولیتی‌نی اوز بوینی‌گه آلگن قوراللی طالب‌لر، هجوم‌دن نیت خوف‌سیزلیک پوسته‌لرنی نشان‌گه آلیش بولگن‌لیگینی ایتگن‌لر.
