جمعیت‌نی رویخط‌گه آلیش اداره مسؤوللری‌نینگ ایتیشیچه، آواز بیرووچیلرنینگ رویخط‌گه آلیش جریان باشلنگنیدن بویان قندهار اهالیسی کوپینچه کیم‌لیک و نورستان بیلن میدان وردک ولایت‌لری‌نینگ اهالیسی اینگ آز کیم‌لیک آلگن‌لر.
مذکور اداره مسؤوللریگه کوره، کیم‌لیک ترقه‌تیش شرایطی‌ده هیچ اوزگریش کیلمه‌گن و کیم‌لیک اوتمیش‌لردیک مملکت اهالیسی گه ترقه‌تیله‌دی.
بوگون کابل‌ده خبری بیر ییغین اوتکزگن جمعیت‌نی رویخط‌گه آلیش اداره باشیغی همایون محتاط نینگ ایتیشیچه، قویاش 1395- ییل‌نینگ دلو آیی‌دن بویان مملکت اهالیسی کمیده 4 یریم میلیون قاغذی کیم‌لیک آلگن.
محتاط گه کوره، کیم‌لیک ترقه‌تیش جریانی کینگه‌یماقده دیر و قویاش 1396- ییل‌نینگ حمل آیی‌دن بویان مملکت اهالیسی بیر میلیون دن آرتیق کیم‌لیک آلگن و اولردن کوپینچه‌سی عیاللر بولگن.
نماینده‌لر کینگشی اعضالریدن بیری، جمعیت‌نی رویخط‌گه آلیش اداره، 4 میلیون ساخته کیم‌لیک ترقه‌تگنینی ایتگن ایدی؛ لیکن همایون محتاط، بو ادعانی رد قیلدی.
اونینگ ایتیشیچه، بو موضوع نی باش قاره‌لاوچیلیک‌که ییتکیزگن و بو اداره ادعا قیلگن نماینده‌لر کینگشی اعضاسی‌دن سوزلرینی اثباتلش اوچون حجت چیقاریشی‌نی سوره‌یدی.
