قندهار سوو ییتکزیش ریاستی نینگ مسووللری، بیر قنچه زوروانلر، حکومت اداره‌لری و ولایت نینگ یشاووچیلری بو اداره دن 70 میلون افغانی قرضدار ایکن لیکلرینی ایته‌دیلر.
قندهار سوو ییتکزیش بیریش ریاستی نینگ باشلیغی محمد نادر کاکر، اوشبو ولایت نینگ بعضی یشاووچیلری 20 ییلدن بیری سوو مصرفیدن کیلگن پولنی بیرمه‌گن لیکلرینی سلام‌وطندارگن ایتگنلر.
اما، ولایت نینگ بیر قطار یشاووچیلری بو اداره نینگ سوو ییتکزیب بیریشی‌دن شکایت قیلگنلر. اولر، کوپینچه پیتلرده سوو قوورلریدن افلاسلنگن سوو کیله‌دی دیگنلر.
اهالی، ولایت سوو ییتکزیش اداره‌سی مسووللرینی بی فرق لیککه عیبله‌گنلر. اولر، تیگیشلی اداره منتظم روشده تازه ایچیملیک سوو تیارلب بیرمه‌گن حالده، سوو مصرفیدن کیلگن پولنی بیرمسلیکلرینی بیلدیرگنلر.
اهالی بو ادعالرینی رد قیلگن ولایت سوو ییتکزیش اداره‌سی نینگ مسووللری، خلق نینگ بو توغریده‌گی بوتون قیینچلیکلریگه ییتیشیلگن دیگن.
قندهار ولایتی والیسی نینگ سوزلاووچیسی صمیم خپلواک، ولایت خلقی‌دن سوو مصرفیدن کیلگن مبلغ نی تولشلرینی سوره‌گن. او، تخلف قیلگنلر بیلن قانون یوزه‌سیدن یانده‌شیله‌دی دیگن.
قندهار سوو ییتکزیش ریاستی نینگ معلوماتیگه کوره، حاضرگی کونده 6051عایله شهری سوو ترماغیدن فایلده لنه‌دی بو جلمه‌دن 153 خانه‌دان ینگیدن بو اداره مشتریسی بولگن.
